«2023 جىلعى 1 اقپانداعى جاعداي بويىنشا جازىق اۋماقتاعى قار جامىلعىسىنداعى ىلعال قورىنىڭ كورسەتكىشتەرى نەگىزىنەن ورتاشا كوپجىلدىق ماندەردەن جوعارى. كونسۋلتاتيۆتىك بولجام بويىنشا اقپان ايىندا ەلدىڭ كوپ بولىگىندەگى اۋا تەمپەراتۋراسى كليماتتىق نورماعا جاقىن بولادى دەپ بولجانۋدا. اقپان ايىندا جاۋىن-شاشىن مولشەرى رەسپۋبليكانىڭ باسىم بولىگىندە نورماعا جۋىق, اتىراۋ, ماڭعىستاۋ, باتىس قازاقستان, اقتوبە جانە باتىس قوستاناي وبلىستارىندا نورمادان از, تۇركىستان, قىزىلوردا, جامبىل وبلىستارىنىڭ باسىم بولىگىندە, الماتى جانە جەتىسۋ وبلىستارىنىڭ وڭتۇستىك جارتىسىندا نورمادان كوپ بولادى دەپ بولجانىپ وتىر», دەدى سپيكەر بريفينگ بارىسىندا.
سۋ تاسقىنى سۋلارىن وتكىزۋگە گيدروتەحنيكالىق قۇرىلىستاردى دايىنداۋ ماسەلەلەرى بويىنشا رەسپۋبليكا اۋماعىندا بارلىعى 1 806 تىرەك گيدروتەحنيكالىق قۇرىلىستار بار ەكەندىگى ايتىلدى. جىل باسىندا 1 322 گتق تەكسەرىلدى, 471 نىسان جوندەۋدى تالاپ ەتەدى, ونىڭ ىشىندە رەسپۋبليكالىق مەنشىكتە – 94, كوممۋنالدىق مەنشىكتە – 327, جەكە مەنشىكتە – 44, يەسىز – 6 نىسان بار.
«بۇگىنگى تاڭدا ءىرى سۋ قويمالارىندا جيناقتالعان سۋ كولەمى 60-75%-دى قۇرايدى. اعىن كولەمى نورما شەگىندە كۇتىلۋدە جانە بارلىق سۋ قويمالارىندا تاسقىن سۋدى قابىلداۋعا ارنالعان بوس سىيىمدىلىقتار بار», دەپ اتاپ ءوتتى ۆيتسە-مينيستر.
وسى ورايدا سىرداريا وزەنى باسسەينى مەن شاردارا سۋ قويماسىنداعى سۋ شارۋاشىلىعى مينيسترلىكتىڭ تۇراقتى باقىلاۋىندا تۇرعانىن اتاپ وتكەن ماڭىزدى.
ماسەلەن, بۇگىندە شاردارا سۋ قويماسىنىڭ كولەمى 4 676 ملن.م3, كوكساراي قارسى رەتتەگىشىنىڭ كولەمى - 1 438 ملن.م3 قۇرايدى. سۋ قويماسىنا اعىن 1 101 م3/سەك, سىرداريا وزەنىنىڭ تومەنگى اعىسىنا اعىزۋ 900 م3/سەك, كوكساراي كونتررەگۋلياتورىنىڭ سۋ تارتۋى – 350 م3/سەك, سىرداريا وزەنىنىڭ تومەنگى اعىسىنا اعىزۋ – 550 م3/سەك قۇرايدى. شاردارا سۋ قويماسىنىڭ بوس سىيىمدىلىعى 524 ملن.م3, كوكساراي كونتررەگۋلياتورى – 362 ملن. م3 قۇرايدى. جالپى بوس سىيىمدىلىعى-886 ملن. م3.
قازىرگى ۋاقىتتا قاۋىپسىزدىكتى جانە ۇزدىكسىز جۇمىستى قامتاماسىز ەتۋ ءۇشىن قىزىلوردا, ايتەك, قازالى جانە اقلاق سۋ توراپتارى پايدالانۋ قاعيدالارىنا سايكەس ترانزيتتىك رەجيمگە اۋىستىرىلدى.
بۇدان باسقا, سۋ تاسقىنىنان ءوتۋ قاۋپى جوعارى وڭىرلەردە كەزەكشىلىك كەستەلەرى بەكىتىلدى.
