مەملەكەت باسشىسىنا اتقارىلعان جۇمىستار مەن وتاندىق بيزنەستى ودان ءارى قولداۋ جانە كاسىپكەرلەردىڭ مۇددەسىن قورعاۋ جوسپارى جونىندە مالىمەت بەرىلدى.
رۋستام ءجۇرسىنوۆ پرەزيدەنتكە 2022 جىلى 4 408 ءوتىنىش كەلىپ تۇسكەنىن, ونىڭ 1 530-ى (34%) وڭ شەشىمىن تاپقانىن جانە 1 030 (23%) ءوتىنىش بويىنشا ءتۇسىندىرۋ جۇمىستارى جۇرگىزىلگەنىن ايتتى. سونداي-اق بىلتىر بيزنەس-ومبۋدسمەن ەلىمىزدىڭ بارلىق وڭىرىندە كاسىپكەرلەرمەن كەزدەسۋ وتكىزگەنىن ايتتى. ۋاكىل وتكەن جىلى رەيدەرلىككە قارسى كۇرەستى كۇشەيتۋگە جانە بيزنەستى مەملەكەتتىك ورگانداردىڭ زاڭسىز ارالاسۋىنان قورعاۋعا قاتىستى تۇزەتۋلەر زاڭناماعا ەنگىزىلگەنىن جەتكىزدى. پرەزيدەنتكە كاسىپكەرلىك قىزمەت سالاسىنا جاڭا رەتتەۋشى ساياساتتى ەنگىزۋ جونىندەگى تاپسىرمالارىنىڭ ورىندالۋ بارىسى تۋرالى باياندالدى.
قاسىم-جومارت توقاەۆ قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىلدىڭ ەسەبىن قابىلداپ, بيزنەسكە قاتىستى اكىمشىلىك كەدەرگىلەردى انىقتاۋعا جانە ولاردى جويۋ شارالارىن ازىرلەۋگە باعىتتالعان بىرقاتار تاپسىرما بەردى.
