تاركىلەنگەن قارجى مەكتەپ قۇرىلىسىنا جۇمسالدى

وڭىردەگى «ساقالدى قۇرى­لىس­تار­دىڭ» ءبىرى – قۇمجارعان مەكتەبى 2017 جىلى باستالىپ، 2019 جىل­دىڭ ءبىرىنشى جارتىسىندا پايدا­لانۋعا بەرىلۋگە ءتيىس ەدى. اۋەلدە مەم­لە­كەتتىك ساتىپ الۋ ءراسىمى بويىن­شا انىقتالعان باس مەردىگەر – «ساۋ­ران ينجينيرينگ» جشس. مەك­تەپ قۇرىلىسىنا جەرگىلىكتى بيۋدجەتتەن 294 ملن 857 مىڭ تەڭگە ءبول­ىن­دى. الايدا 2020 جىل­دىڭ 16 قارا­شا­سىنداعى اقتوبە قالالىق سوتى­نىڭ شەشىمىنە ساي­كەس اتالعان مەردىگەر جوسىق­سىز جەتكىزۋشى دەپ تانىلدى. وسى­لايشا، مەك­تەپتىڭ جىرى التى جىلعا سوزىلدى. مەردىگەر تۇراقتاماي، سۋب­مەر­دى­گەردىڭ ءبىرى كەلىپ، ءبىرى كەتتى. قۇرى­لىس ماتەريالدارىنىڭ كۇرت قىم­بات­تاۋى ءبىلىم وشاعىنىڭ دەر كەزىندە اياقتالماۋىنىڭ تاعى ءبىر سەبەبىنە اينالدى.

بيىل اقپاننىڭ العاشقى كۇنى بالالارى 1979 جىلى سالىن­عان ەسكى مەكتەپتەن جاڭا عيماراتقا كوشكەندە اۋىل تۇرعىندارى ەرەكشە قۋانىپ، سالتاناتتى اشىلۋ راسىمىنە ءبىرى قالماي كەلدى. ەلدىڭ قۋانىشىنا اقتوبە وبلىسىنىڭ اكىمى ەرالى توعجانوۆ، سىبايلاس جەم­قورلىققا قارسى قىزمەت دە­پارتامەنتى باسشى­سىنىڭ مىندەتىن اتقارۋشى ەسقالي سالا­ماتوۆ ورتاقتاستى.

– مەملەكەت باسشىسى جاڭا مەرزىمدەگى ءبىرىنشى جار­لىعىندا اۋىلدىق اۋماقتاردى دامىتۋعا ەرەكشە نازار اۋداردى. وسى تاپسىرمانى ورىنداۋ ماقساتىندا 2022 جىلدىڭ سوڭىندا اقتوبە وبلىسى اۋىل تۇرعىندارىنىڭ ءال-اۋقاتىن ارتتىرۋعا ارنالعان «اۋىل اماناتى» جوباسى باستالدى. ەڭ ءبىرىنشى كەزەكتە جۇمىسسىز، الەۋمەتتىك وسال توپتاعى ازا­ماتتاردىڭ كاسىپتەرىن ۇيىم­داستىرىپ، تاۋارلى، قار­جىلاي نەسيە الۋىنا 6 ملرد تەڭگەدەن استام قاراجات ءبو­لىندى. مۇنىمەن بىرگە اۋىل­داعى شاعىن جيناقتى مەكتەپ وقۋشىلارىنىڭ ءبىلىم ساپاسىن كوتەرۋ ماقساتىندا ء«بىلىمALL» جوباسىن باس­تادىق. 10 مىڭ اۋىل بالاسىنا اقتوبە قالاسىنىڭ ۇزدىك مۇعالىمدەرى ماتەماتيكا، في­زيكا، حيميا، بيولوگيا، اعىل­شىن ءتىلى ءپانى بويىنشا ونلاين دارىستەر وتكىزەدى. ء«بىلىمALL» جوباسىنا قۇم­جارعان نەگىزگى مەكتەبىنىڭ 50 وقۋشىسى قوسىلدى، – دەدى ەرالى توعجانوۆ مەكتەپتىڭ اشىلۋ راسىمىندە.

ەسىمى بەلگىسىز جەمقوردان قۇم­جارعان مەكتەبىنە قارجى ءوندىرىپ بەرگەن سىبايلاس جەمقورلىققا قارسى كۇرەس قىزمەتى وڭىردەگى بىرنەشە كۇردەلى ماسەلەنى انىقتاپتى.

– ءبىلىم بەرۋ ۇيىمدارىنىڭ قىز­مەتىنە بايلانىستى تۇر­عىندار اراسىندا ساۋالنا­ما وتكىزىپ، جالپى مونيتورينگ جۇرگىزدىك. ونىڭ قورى­تىندىسى بويىنشا حالىقتىڭ رەنىشىن تۋعىزاتىن جانە ءوڭىر­دىڭ الەۋمەتتىك دامۋىنا كەرى اسەر ەتەتىن بىرنەشە سەبەپ انىقتالدى. دەر كەزىن­دە اياقتالماي جاتقان مەكتەپ قۇرىلىستارى دا ءبىز انىق­تاعان ارتقا تارتۋشى فاكتور­لاردىڭ ءبىرى. جەرگىلىكتى اتقا­رۋشىلىق بيلىك پەن سى­باي­لاس جەمقورلىققا قار­سى قىزمەتتىڭ بىرلەسكەن شەشىم­دەرى ناتيجەسىندە قۇمجارعان مەكتەبىنىڭ قۇرىلىسى اياقتال­دى، – دەدى ە.سا­لاماتوۆ.

ايتا كەتۋ كەرەك، قازىرگى ۋاقىتتا اقتوبە وبلىسىنىڭ مەكتەپ­تەرىندە 17 مىڭ 844 وقۋشى­عا ورىن تاپشىلىعى بايقالادى.

اقتوبە وبلىسى