وتكەن جىلدىڭ تامىز ايىندا پرەمەر-ءمينيستردىڭ ءبىرىنشى ورىنباسارى رومان سكليار ۇكىمەت جەڭىلدەتىلگەن اۆتونەسيەلەۋ باعدارلاماسىنا قوسىمشا قارجى ءبولۋ مۇمكىندىگىن قاراستىراتىنىن ايتقان ەدى. وسىعان بايلانىستى باق وكىلدەرى ەرۇلان جاماۋباەۆقا حالىق اراسىندا ۇلكەن سۇرانىسقا يە بولعان باعدارلاماعا قوسىمشا اقشا بولىنە مە دەگەن سۇراق قويدى.
«بىزگە قوسىمشا وتىنىمدەر ءالى تۇسكەن جوق, بىراق اۆتونەسيەلەۋدەن باسقا الەۋمەتتىك ماڭىزى بار جوبالار بار ەكەنىن دە ەستە ساقتاعان ءجون», دەدى مينيستر.
سونىمەن قاتار «ونەركاسىپتى دامىتۋ قورى» اق باسقارما توراعاسىنىڭ ورىنباسارى رينات عاپپاروۆ جەڭىلدەتىلگەن اۆتونەسيە الۋعا نيەت بىلدىرگەندەر سانى بويىنشا انىقتاما دايىندالىپ جاتقانىن حابارلادى.
ەسكە سالا كەتسەك, 2023 جىلدىڭ 6 اقپانىندا جەڭىلدەتىلگەن اۆتونەسيە باعدارلاماسىنا قاتىسۋعا وتىنىمدەر قابىلدانا باستادى. «ونەركاسىپتى دامىتۋ قورى» اق حابارلاعانداي, autonesie.kz پلاتفورفورماسى ارقىلى نەبارى 18 سەكۋندتىڭ ىشىندە 761 ادام تولىق ءوتىنىش بەرىپ ۇلگەرگەن. ليميتكە جەتكەننەن كەيىن وتىنىمدەردى قابىلداۋ اۆتوماتتى تۇردە اياقتالدى.
