وڭىرلىك كوممۋنيكاتسيالار قىزمەتىندە وتكەن بريفينگتە ءبىلىم باسقارماسىنىڭ باسشىسى ءنازىر جاشىبەكوۆ 3-6 جاس ارالىعىنداعى بۇلدىرشىندەردىڭ بالاباقشاداعى ورىنمەن تولىق قامتاماسىز ەتىلگەنىن ايتتى.
«كىشكەنتاي بالالاردى مەكتەپكە دەيىنگى تاربيەمەن جانە وقىتۋمەن قامتۋدى ارتتىرۋ بويىنشا جۇمىستار جۇرگىزىلىپ جاتىر. وتكەن جىلى 205 جاڭا ورىن اشىلدى. بۇل 2 جاستان 6 جاسقا دەيىنگى بالالاردىڭ 92 پايىزىن مەكتەپكە دەيىنگى بىلىممەن قامتاماسىز ەتۋگە مۇمكىندىك بەردى. بيىلعى مىندەت – جۇمىس ىستەپ تۇرعان مەكەمەلەردى كەڭەيتۋ ارقىلى تاعى 210 ورىن اشۋ», دەدى ن.جاشىبەكوۆ.
ول وتكەن جىلدىڭ قىركۇيەك ايىنان باستاپ بارلىق بالاباقشالاردا مەكتەپكە دەيىنگى تاربيە مەن وقىتۋدى دامىتۋدىڭ جاڭا مودەلى ەنگىزىلگەنىن ايتتى.
- «ويىن ارقىلى وقىتۋ» قاعيداسى بويىنشا مەملەكەتتىك ستاندارت پەن وقۋ باعدارلاماسى وزگەرتىلدى. مەكتەپكە دەيىنگى تاربيە مەن وقىتۋ مودەلى اياسىندا وبلىسىمىزداعى ەكى بالاباقشا – پەتروپاۆل قالاسىنداعى «التىن بەسىك» بوبەكجايى مەن قىزىلجار اۋدانىنداعى «ميراس» بوبەكجايى الدىڭعى قاتارلى بالاباقشالاردىڭ وزىق تاجىريبەسىن كوشىرۋ بويىنشا پيلوتتىق جوبالارعا قاتىسىپ جاتىر», - دەدى ن.جاشىبەكوۆ.
