جوبانى تاپسىرۋ كەزىندە, وبەكتىدەگى بارلىق جۇمىستار مەردىگەردىڭ جۇمىستى جالعاستىرۋدان باس تارتۋىنا بايلانىستى توقتاپ قالعان ەدى. جابدىق ترانزيتتىك ايماقتا جينالىپ, قحر شەكاراسىنان وتە المادى.
تاسىمالداۋ ءراسىمى اياقتالعاننان كەيىن, جوبالىق توپ تەز ارادا جاساقتالىپ, جۇمىسقا جۇمىلدىرىلدى, قۇرال-جابدىقتاردى جەتكىزۋ ءۇشىن لوگيستيكا جولعا قويىلدى, قازاقستان رەسپۋبليكاسى ۇكىمەتىنىڭ قولداۋىمەن «جاسىل ءدالىز» ۇيىمداستىرىلدى.
«QazaqGaz» ۇك» اق باسقارما توراعاسى سانجار جاركەشوۆتىڭ ايتۋىنشا ۇلتتىق كومپانيا تاراپىنان حالىقارالىق كومپانيالاردى تارتۋ ارقىلى نىسانعا كەشەندى اۋديت جۇرگىزىلدى. كەشەندى اۋديت ناتيجەلەرى بويىنشا جوباداعى كەمشىلىكتەر مەن گاز وڭدەۋ زاۋىتىنىڭ سەنىمدىلىگى مەن قاۋىپسىزدىگىنە اسەر ەتۋى مۇمكىن ەلەۋلى تاۋەكەلدەر انىقتالدى.
«گوز QazaqGazدىڭ سەنىمگەرلىك باسقارۋىنا بەرىلگەننەن كەيىن, ءبىز قارجىلىق, تەحنيكالىق جانە زاڭگەرلىك اۋديتتەر جۇرگىزىپ, جوبا ديزاينىندا ينجەنەرلىك قاتەلىكتەردى انىقتادىق. ولاردى تۇزەتۋگە ءماجبۇرمىز, تيىسىنشە جۇزەگە اسىرۋ مەرزىمىنە دە اسەر ەتۋدە. الايدا, QazaqGaz ءىس جۇزىندە گوز جوباسىن سەنىمگەرلىك باسقارۋعا الىپ, وتكەن جىلدىڭ ەكىنشى جارتىسىندا جۇمىسقا كىرىسكەنىن ەسكەرسەك تە, ايتارلىقتاي پروگرەسس بار», دەدى سانجار جاركەشوۆ.
QazaqGaz باسشىسى كومپانيا تاۋەكەلدەردى جويۋ ءۇشىن بارلىق كۇش-جىگەرىن جۇمسايتىنىن, بىراق الدا ءالى دە ۇلكەن جۇمىس بار ەكەنىن اتاپ ءوتتى.
قازىرگى ۋاقىتتا جوباعا 700 ادام جۇمىلدىرىلعان, قۇرىلىستا 2100 ادام, 300 بىرلىك ارنايى تەحنيكا جانە 991 بىرلىك جابدىق تارتىلاتىن بولادى. پايدالانۋعا بەرىلگەننەن كەيىن گوز وڭىردە 600 تۇراقتى جۇمىس ورنىن اشۋعا مۇمكىندىك بەرەدى.
سونىمەن قاتار, العاشقى ىسكە قوسۋ كەشەنىنىڭ تەمىر جولدارى تارتىلدى, بۇل ماتەريالدار مەن جابدىقتاردىڭ ۋاقتىلى جەتكىزىلۋىن قامتاماسىز ەتۋگە مۇمكىندىك بەرەدى.
«QazaqGaz» ۇك» اق جابدىقتاردى ءوندىرۋ پروتسەسىنىڭ ساپاسىن باقىلاۋ ماقساتىندا مامانداندىرىلعان TUV Rheinland حالىقارالىق كومپانياسىن جۇمىس بارىسىنا تارتتى. بۇگىنگى تاڭدا جابدىقتىڭ 50 پايىزدان استامى دايىندالىپ, 30 پايىزى گوز قۇرىلىس الاڭىنا جەتكىزىلدى.
قازىرگى ۋاقىتتا بۇرىن بەكىتىلگەن جوبالىق-سمەتالىق قۇجاتتاماعا (جسق) تۇزەتۋلەر ەنگىزىلدى. جوبالىق-سمەتالىق قۇجاتتامانى تۇزەتۋ كەزىندە مۇنداي جوبالار بويىنشا الەمدىك تاجىريبە نەگىزگە الىنىپ, جابدىقتىڭ سەنىمدىلىگى مەن قاۋىپسىزدىگى بويىنشا بارلىق كەمشىلىكتەر ەسكەرىلدى. تەحنولوگيالىق قۇرال-جابدىقتار مەن پروتسەستەر ءونىم ساپاسىنا, سونداي-اق اتموسفەراعا شىعارىندىلاردى جانە ەنەرگيا تۇتىنۋدى ازايتۋعا باسا نازار اۋدارا وتىرىپ, وڭتايلاندىرىلدى.
سونىمەن قاتار جەتىسپەيتىن جابدىقتار ىسكە قوسىلدى, ەميسسيا كوزدەرىندەگى, سونداي-اق سانيتارلىق-قورعاۋ ايماعىنىڭ پەريمەترى شەگىندە لاستاۋشى زاتتاردىڭ شىعارىندىلارىن اۆتوماتتى باقىلاۋ جۇيەسى ەنگىزىلدى. قازىرگى ۋاقىتتا جوبالىق-سمەتالىق قۇجاتتاما مەملەكەتتىك ۆەدومستۆودان تىس ساراپتامادان ءوتىپ جاتىر.
جوبانى باسقارۋدى جانە ينجەنەرلىك قامتاماسىز ەتۋدى كۇشەيتۋ ءۇشىن ينجينيرينگ سالاسىنداعى الەمدىك كوشباسشىلاردىڭ ءبىرى Technip Energies تارتىلدى. كومپانيانىڭ ءپروفيلدى ماماندارى جوبا كومانداسىنا بىرىكتىرىلەدى.
سونداي-اق 2023 جىلدىڭ قاڭتار ايىندا «QazaqGaz» ۇك» اق اتىراۋ وبلىسىنىڭ ماقات اۋدانىندا قوعامدىق تىڭداۋلار وتكىزگەنىن اتاپ وتكەن ءجون. كەزدەسۋدە قاشاعانداعى گاز وڭدەۋ زاۋىتىن سالۋ جوباسىن تۇزەتۋ شەڭبەرىندە قورشاعان ورتاعا ىقتيمالدى اسەر ەتۋى تالقىلاندى. تىڭداۋعا اۋدان تۇرعىندارى, رەسپۋبليكالىق قوعامدىق ەكولوگيالىق ۇيىمدار جانە جەرگىلىكتى اتقارۋشى ورگانداردىڭ وكىلدەرى قاتىستى.
وسىلايشا, جوبا وپەراتورىنىڭ جاڭا كومانداسى قر ۇكىمەتىنىڭ, قر ەنەرگەتيكا مينيسترلىگىنىڭ جانە «QazaqGaz» ۇك» اق قولداۋىمەن قۇرىلىستى تەزدەتىپ, انىقتالعان كەمشىلىكتەردى جويادى, سونداي-اق NCOC-مەن بىرلەسىپ بيزنەس-مودەلدى قايتا قاراۋدى جەدەلدەتەدى.
