قارجى مونيتورينگ اگەنتتىگى حابارلاعانداي, سالىمشىلاردىڭ كولىگىن ءبولىپ تولەۋ ارقىلى, نارىقتاعى باعادان قىمباتقا ساتىپ الىپ, ءۇشىنشى تۇلعالارعا ارزانىراق ساتقان.
«اتالعان قىلمىستى قما اقتوبە وبلىسى بويىنشا دەپارتامەنتىنىڭ قىزمەتكەرلەرى وڭىرلىك پروكۋراتۋرامەن جانە ۇقكد-مەن بىرلەسىپ, استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ كومەگىمەن انىقتادى. «Auto Seller» جشس لومبارد كەيپىندەگى قارجىلىق پيراميدا اقتوبە وبلىسىنىڭ اۋماعىندا 2022 جىلعى ناۋرىز ايىنان باستاپ جۇمىس ىستەگەن. ماتەريالدىق زالال سوماسى 300 ملن تەڭگەدەن اسادى», دەپ حابارلادى ۆەدومستۆودان.
لومبارد قىزمەتكەرلەرى اۆتوكولىك يەلەرىنە (تىركەۋ ەسەبىنە قاراماستان) كولىكتەرىن جوعارى باعامەن ساتىپ الۋدى ۇسىنعان. نوتاريالدى كۋالاندىرىلماعان, رەسمي تىركەلمەگەن, ءبولىپ تولەۋدى كوزدەيتىن, ساتىپ الۋ-ساتۋ شارتتارىن جاساسقان. سودان كەيىن كولىكتەر ءۇشىنشى تۇلعالارعا تومەن باعامەن ساتىلدى, ال تۇسكەن اقشا ءوز مۇلكىن ساتقىسى كەلەتىن كەلەسى سالىمشىلارعا تولەندى.
«Auto Seller» جشس زاڭدى مەكەنجايى بويىنشا ءتىنتۋ بارىسىندا تەحنيكا, زاڭسىز قىزمەتكە قاتىستى قۇجاتتاما, ءدىني سيپاتتاعى ادەبيەتتەر جانە بانك كارتالارى تاركىلەندى. سوت شەشىمى بويىنشا كۇدىكتىلەر ەكى اي مەرزىمگە قاماۋعا الىندى.
