اكىمنىڭ ايتۋىنشا, قالانى دامىتۋ ينجەنەرلىك ينفراقۇرىلىمدى سالۋمەن قاتار ءجۇرۋى ءتيىس. بۇل سۋ, ەلەكتر, كارىز جانە ت.ب. قالانىڭ ءومىر ءسۇرۋ ساپاسى ولاردىڭ ۇزدىكسىز جۇمىس ىستەۋىنە بايلانىستى. اينالما جولدى ارالاۋ بارىسىندا ول كارىزدىك تازارتۋ قۇرىلىستارىنىڭ, اۋىز سۋ ستانساسىنىڭ جانە ت.ب جۇمىسىمەن تانىستى.
مىسالى, ۇركەر (يلينكا) نوسەرلى كارىزدەردىڭ ءۇشىنشى كەزەگىنىڭ جوباسىن جاساۋ ۇستىندە. جوبانىڭ قۋاتتىلىعى تاۋلىگىنە شامامەن 45 مىڭ م3 قۇرايدى. جوبانى جۇزەگە اسىرۋ ۇركەردەن, قورعالجىن تاسجولىنان جانە ت.ب. ەرىگەن جانە جاڭبىر سۋىن شىعارۋدى قامتاماسىز ەتەدى.
«سونداي-اق اعىندى سۋلاردى تازارتۋ قۇرىلىستارىن (كوس-2) جوبالاۋ, ينجەنەرلىك جەلىلەردى جاڭعىرتۋ, ەلەكتر قوسالقى ستانتسيالارىن قايتا قۇرۋ جۇمىستارى جۇرگىزىلىپ جاتىر. سونىمەن قاتار اۋىز سۋ ستانتسياسى (نفس-3), گاز جىلۋ ستانتسيالارى جانە ت.ب قۇرىلىس جۇمىستارى جۇرگىزىلۋ ۇستىندە. بۇل تىرشىلىكتى قامتاماسىز ەتۋ نىساندارىن بيىل اياقتاۋدى جوسپارلاپ وتىرمىز. ماسەلەن, اۋىز سۋ ستانتسياسىنىڭ (نفس-3) وتكىزۋ قابىلەتى تاۋلىگىنە 100 مىڭ تەكشە مەتردەن استام سۋدى قۇرايدى», دەپ جازدى ەلوردا اكىمى.
