بالۋاندار بەلدەسكەن سپارتاكيادا

جەكەلەگەن سالماق دارەجەلەرى بويىنشا وتكەن جارىستا المات كەبىسباەۆتىڭ اسقان شەبەرلىگىنە ءتانتى بولدىق. الەم (1 كۇمىس+4 قولا) جانە قۇرلىق (2 التىن+3 كۇمىس) چەمپيوناتتارىندا بەس رەتتەن جەڭىس تۇعىرىنا كوتەرىلىپ، ازيا ويىندارىندا ەكى مارتە (1 كۇمىس+1 قولا) جانە دۇنيەجۇزىلىك ۋنيۆەرسيادادا ءبىر رەت (1 قولا) ولجا سالعان ول بىلتىر ۇلكەن سپورتپەن قوش ايتىسقانىن جاريا ەتكەن. رەسپۋبليكالىق كۇرەس فەدەراتسيسىنىڭ باسشىلارى كە­بىس­باەۆقا دەرەۋ قىزمەت تە تاۋىپ بەردى. اتاق­تى سپورتشى ەلىمىزدىڭ جاس­وسپىرىمدەر قۇراماسىنىڭ اعا جات­تىقتىرۋشىسى بولىپ تاعا­يىندالدى. الايدا ونىڭ سپورت­تىق كوللەكتسياسىندا الەم چەمپيونى دەگەن اتاق پەن وليمپيا ويىندارىنىڭ جۇلدەسى جوق ەكەنى ءمالىم. سول ولقىلىقتىڭ ورنىن تولتىرۋ ماقساتىمەن المات باۋىرى ىستىق بوز كىلەمگە قايتا ورالدى. ءبىر جىلدان اسا ۇزىلىستەن كەيىن دە ول ءوزىنىڭ ءالى دە بابىندا ەكەنىن بايقاتتى. قاراعاندى وبلىسىنىڭ اتىنان سىنعا تۇسكەن سەمەي ءوڭىرىنىڭ تۋماسى بالۋان شولاق اتىنداعى سپورت سارايىن­دا بارلىق قارسىلاسىن سىپىرا ۇتىپ، 67 كيلو سالماق دارەجەسىنىڭ باس جۇلدەسىن قانجىعاسىنا بايلادى. تۇساۋكەسەر كەزدەسۋىندە المات بىلتىرعى جىلعى جاستار اراسىنداعى الەم بىرىنشىلىگى­نىڭ كۇمىس جۇلدەگەرى، جامبىل­دىق دىنمۇحاممەد قوشقاردى قا­پى قالدىردى. 21 جاستاعى جاس جول­بارىس 35 جاستاعى اككى بالۋان­نىڭ وسال تۇسىن تابا ال­ما­دى. جارتىلاي فينالدا ول – جا­بىق عيماراتتاعى ازيا ويىن­دارىنىڭ جەڭىمپازى، سولتۇستىك قازاقستان وبلىسىنىڭ وكىلى دا­نيار قالەنوۆتى ۇتسا، في­نالدا كەندى التايدان كەلگەن مە­رەي بەكەنوۆتەن باسىم ءتۇستى.

ساقا سپورتشىلار اراسى­نان ابايلىق نۇرسۇلتان تۇرسى­نوۆ (87 كگ)، قاراعاندىلىق يبرا­گيم ماگومادوۆ (72 كگ)، قىزىلور­دا­لىق ولجاس سىرلى­باي (97 كگ) جانە شىمكەنتتىك ءالىم­حان سىز­دىقوۆتىڭ (130 كگ) شوقتىعى بيىك بولدى. ءبىر كەرەمەتى، ولاردىڭ بار­­لى­عى دا فينالدا وزدەرىنىڭ سىر­العى قارسىلاستارىمەن كۇش سى­ناس­تى. ماسەلەن، فينالدا تۇر­سى­نوۆ استانالىق ازامات قۇس­تى­باەۆتى، ماگومادوۆ جام­بىل­دىق ەلدوس كامەلوۆتى، سىر­لىباي قا­را­عاندىلىق ەرۇلان ىس­قاقوۆتى جانە سىزدىقوۆ قوناەۆتىق انتون ساۆەنكوعا سان سوقتىردى. رەسەيدىڭ ورىنبور ولكەسىنەن تاريحي وتا­نىنا قونىس اۋدارىپ كەلگەن ازات سادىقوۆ 77 كگ سالماقتا الدىنا جان سالمادى. الماتى قالاسىنىڭ نامىسىن قورعاعان ول اقتىق سا­يىستا شىمكەنتتىك ومار ساتوەۆتى جەڭدى.

جالىندى جاستار اراسى­نان استانالىق مارلان مۇقا­شەۆ (55 كگ)، ابايلىق ايبەك سابىربەكوۆ (55 كگ)، شىم­كەنتتىك مۇحامەدالى مامىربەك (63 كگ) جانە سولتۇستىك قازاق­ستان وبلىسىنىڭ 18 جاستاعى جاس پەرىسى يسلام ەۆلوەۆتى بولە-جارا اتاپ وتۋگە بولادى. ولار­دىڭ بارلىعى دا ءوز سالماق دارەجە­لە­رى بويىنشا جەڭىس تۇعىرىنىڭ ەڭ بيىك ساتىسىنا كوتەرىلدى. ال مەيرامبەك ايناعۇلوۆ، دەمەۋ جا­دىراەۆ، ماقسات ەرەجەپوۆ، ميراس بارشىلىقوۆ، باعلان جا­قانشا، جانسەرىك سارسەنبيەۆ جانە تاعى باسقا ءبىر توپ تانىمال بالۋان بۇل جارىستان ولجاسىز ورالدى.

جوعارىدا ءبىز كوش الدىڭعى لەكتەن كورىنگەن كوماندالار جا­يىندا اڭگىمەلەدىك. ال باتىس قازاقستان (4 ۇپاي)، ۇلىتاۋ (8 ۇپاي) جانە اقمولا (8 ۇپاي) وبلىسى تىم سۇرەڭسىز ونەر كور­سەتىپ، كوش سوڭىندا قالىپ قوي­دى. سونداي-اق پاۆلودار (12 ۇپاي) مەن ماڭعىستاۋ (21 ۇپاي) وڭىرىنەن كەلگەن بالۋانداردىڭ دا ناتيجەلەرى كوڭىلدەن شىقپا­دى. ءسويتىپ، «كلاسسيكتەردىڭ» با­سەكەلەرى اياقتالدى. كەشە ايەلدەر كۇرەسىنەن سايىستار ءوتتى. بۇگىن جانە ەرتەڭ ەركىن كۇرەس شەبەرلەرى ءوز ونەرلەرىن ورتاعا سالادى.