اتالعان دودا قازاقستان قۇراماسى ءۇشىن ءساتتى باستالدى. 1 000 مەترلىك قاشىقتىقتى 1 مينۋت 17,98 سەكۋندتا جۇگىرىپ وتكەن الينا داۋرانوۆا باس جۇلدەنى ولجالادى. نيدەرلاندتىق پەن حەرسمان كۇمىس مەدالدى يەلەنسە, يتاليالىق سەرەنا پەرگەر قولاعا قول سوزدى. سونىمەن قاتار, جەرلەسىمىز ءدال وسى سايىستىڭ جالپى ەسەبىندە دە الدىنا جان سالمادى.
جالپى, سوڭعى كەزدەرى 19 جاسار الينا ءوزىنىڭ ورەلى ونەرىمەن جانكۇيەرلەردى قۋانتىپ جاتىر. بىلتىرعى جىلدىڭ قاڭتار ايىندا ول اۋستراليادا ۇيىمداستىرىلعان الەم چەمپيوناتىندا كۇمىس پەن قولا مەدالدى ولجالاسا, قاراشادا فينليانديادا شىمىلدىعى تۇرىلگەن الەم كۋبوگىندە التىن مەدالدى موينىندا جارقىراتتى. ودان بولەك, داۋرانوۆانىڭ ەل سپارتاكياداسى مەن بىرىنشىلىگىنىڭ جەڭىمپازى دەگەن اتاقتارى تاعى بار.
