اقمولا وبلىسىندا 10 كۇندە 510 كولىك زاڭداستىرىلدى

«وزدەرىڭىزگە بەلگىلى، بيىلعى جىلدىڭ 23 قاڭتارىنان باستاپ 2022 جىلدىڭ 1 قىركۇيەگىنە دەيىن قازاقستانعا اكەلىنگەن شەتەلدىك اۆتوكولىكتەردى زاڭداستىرۋ باستالدى. زاڭداستىرۋدىڭ ءبىرىنشى كۇنىندە ءبىز ءبىراز قيىندىقتارعا تاپ بولدىق. تەحنيكالىق سەبەپتەرگە بايلانىستى وتىنىمدەردەن باس تارتۋلار كوپ بولدى، مىسالى، ءوتىنىش بەرگەن كەزدە اۆتوكولىكتىڭ VIN كودى كيريلليتسامەن ەنگىزىلدى، ول لاتىنشا جازىلۋى كەرەك ەدى»، دەدى سپيكەر. 

وسىنداي تەحنيكالىق اقاۋلارعا قاراماستان وبلىستا 10 كۇندە 510 كولىك زاڭداستىرىلدى، ونىڭ 50-ءى ارمەنيا رەسپۋبليكاسىنان، 457-ءسى رەسەي فەدەراتسياسىنان، ەكەۋى گرۋزيادان، بىرەۋى موڭعوليادان اكەلىنگەن.

«ارينە، كولىكتى تەكسەرۋ ءبىراز ۋاقىتتى تالاپ ەتەدى، كەيبىر ازاماتتار تاراپىنان نارازىلىق تۋىندادى. بىراق باستىسى - ساپا. جاعدايدى ەلەستەتىپ كورىڭىز: ءبىز كولىكتى زاڭداستىرامىز، ال ءبىراز ۋاقىتتان كەيىن يەسى ونى رەسەي فەدەراتسياسىنا اپارادى، ال بۇل كولىك سول جەردە ىزدەۋدە بولعانىنا بايلانىستى تاركىلەنەدى، بۇل جەردە قىلمىستىق كولىكتى زاڭداستىرۋعا مەملەكەت مىندەتتى تۇردە كىنالى بولادى. سوندىقتان قازىر ءبىزدىڭ مىندەتىمىز ىزدەۋدە بولۋى مۇمكىن نەمەسە قانداي دا ءبىر شەكتەۋلەرى بار كولىكتەردى شەت مەملەكەتكە تىركەۋگە جول بەرمەۋ»، دەپ ءتۇسىندىردى ا.بۋقانوۆ.

ونىڭ ايتۋىنشا، بىرىنشىدەن قۇجاتتار سكانەردەن وتەدى، قۇجاتتار پىسىقتالادى، كەيىن قازاقستان رەسپۋبليكاسى ىشكى ىستەر مينيسترلىگىنىڭ اكىمشىلىك پوليتسيا كوميتەتىنە تۇزەتۋ جانە مالىمەتتەر بازاسىنا جۇكتەۋ ءۇشىن جىبەرىلەدى. ءارى قاراي، كولىك يەلەرى كەلەسى كۇنى ەكىنشى ءوتىنىش بەرىپ، اۆتوكولىكتى ءساتتى تىركەيدى. ماسەلەن، كەشە رەسەي فەدەراتسياسىنان اكەلىنگەن 50، ارمەنيادان اكەلىنگەن 11 اۆتوكولىك زاڭداستىرىلدى.