اۋا رايى • 04 اقپان، 2023

دەمالىس كۇندەرى اۋا رايى قانداي بولادى؟

56 رەت كورسەتىلدى

«قازگيدرومەت» رمك مالىمەتى بويىنشا، رەسپۋبليكانىڭ باسىم بولىگى اتموسفەرالىق فرونتالدى بولىكتەردىڭ ىقپالىندا بولادى، دەپ حابارلايدى Egemen.kz.

«رەسپۋبليكانىڭ باتىسىندا، سولتۇستىگىندە جانە شىعىسىندا قار جاۋادى، وڭتۇستىك وبلىستاردا جاۋىن-شاشىن كۇتىلەدى»، دەپ حابارلادى «قازگيدرومەت» رمك.

سينوپتيكتەردىڭ حابارلاۋىنشا، وڭتۇستىكتە، تاۋلى جانە تاۋ بوكتەرىندەگى اۋدانداردا قاتتى جاۋىن-شاشىن (جاڭبىر، قار)، تۇمان، كوكتايعاق بولادى.

ەلىمىزدىڭ باتىسىندا تۇندە اۋا تەمپەراتۋراسىنىڭ ازداپ تومەندەۋى كۇتىلەدى. اۋا تەمپەراتۋراسى -7-18°س، كۇندىز -3-8°س.

رەسپۋبليكانىڭ سولتۇستىك جارتىسىندا، ورتالىقتا جانە شىعىستا تەمپەراتۋرا فونى وزگەرىسسىز قالادى: تۇندە -15-26°س، كۇندىز -5-13°س.

وڭتۇستىك وبلىستاردا اۋا تەمپەراتۋراسى كۇندىز +2+10°س.

ۇقساس جاڭالىقتار