سۇحبات بارىسىندا ديپلومات ەلىمىزدەگى ەكونوميكانىڭ جاي-كۇيى جانە پرەزيدەنت قاسىم-جومارت توقاەۆتىڭ قر ۇكىمەتىنىڭ الدىنا قويعان مىندەتتەرى تۋرالى ايتتى. وتكەن جىلى قازاقستان ەكونوميكاسىنىڭ 3,1%-عا وسكەنى ايتىلدى. سونداي-اق قازاقستان مەن سلوۆاكيا اراسىنداعى ءوزارا ساۋدانىڭ تۇراقتى ءوسۋ ءۇردىسى اتاپ ءوتىلدى, ونىڭ كولەمى 2022 جىلى 43%-عا ءوسىپ, 120 ملن اقش دوللارىنان استى. بۇل رەتتە قازاقستاندىق ونىمدەردىڭ سلوۆاكياعا ەكسپورتىن ۇلعايتۋ ارقىلى تاۋار اينالىمىنىڭ قۇرىلىمىن كەڭەيتۋ جانە ساۋداداعى تەرىس سالدونى ازايتۋ قاجەتتىگى ايتىلدى.
سلوۆاكيا ساۋدا-ونەركاسىپ پالاتاسىنىڭ توراعاسى قازاقستاندىق نارىقتىڭ زور الەۋەتىن, سونداي-اق سلوۆاك بيزنەسىنىڭ قازاقستانمەن ىسكەرلىك بايلانىستاردى دامىتۋعا مۇددەلى ەكەنىن ايتا وتىرىپ, ساۋدا-ەكونوميكالىق ىنتىماقتاستىقتى دامىتۋعا جاردەمدەسۋگە دايىن ەكەنىن ءبىلدىردى.
كەزدەسۋ ناتيجەسىندە سلوۆاكيانىڭ استاناسى مەن وڭىرلەرىندە قازاقستاننىڭ ەكونوميكالىق جانە ينۆەستيتسيالىق الەۋەتى تۋرالى دوڭگەلەك ۇستەلدەر مەن پرەزەنتاتسيالاردى بىرلەسىپ ۇيىمداستىرۋ, سونداي-اق بيزنەس جوبالاردى ىسكە اسىرۋ مۇمكىندىكتەرى تۋرالى تۇراقتى اقپارات الماسۋدى جولعا قويۋ تۋرالى ۋادەلەستى.
