Respublica پارتياسىنىڭ كەزەكتەن تىس I سەزى وتەدى

سەزد جۇمىسىنا ەلىمىزدىڭ بارلىق وڭىرىنەن پارتيا مۇشەلەرى قاتىسادى. شارادا پارتيانىڭ جاڭارتىلعان جارعىسى تانىستىرىلىپ، بەكىتىلەدى. سونىمەن قاتار پارتيالىق تىزىمدەر جانە ءبىر مانداتتى اۋماقتىق سايلاۋ وكرۋگتەرى بويىنشا ۇسىنىلعان سەگىزىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتارعا داۋىس بەرۋ وتەدى. 

«قازىر ورتالىق اپپارات پارتيانىڭ وڭىرلىك بولىمشەلەرىمەن بىرلەسىپ، رەسپۋبليكا تاريحىنداعى ماڭىزدى پارتياىشىلىك ءىس-شارالاردىڭ ءبىرى – كەزەكتەن تىس ءبىرىنشى سەزگە اۋقىمدى دايىندىق جۇمىستارىن جۇرگىزىپ جاتىر. پارتيانىڭ بارلىق مۇشەلەرى سەزدى تاعاتسىزدانا كۇتىپ وتىر، ويتكەنى بۇل ءىس-شارا ءبىزدىڭ نەگىزگى يدەيالارىمىز بەن ۇسىنىستارىمىزدى حالىققا جەتكىزەتىن الاڭ بولماق»، دەپ اتاپ ءوتتى ايداربەك حودجانازاروۆ. 

جيىن بەيرەسمي «گالستۋكسىز» فورماتتا وتەدى. شاراعا بەلگىلى قازاقستاندىق كاسىپكەرلەر مەن قوعام قايراتكەرلەرى قاتىسادى. Respublica پارتياسىنان پارتيا توراعاسى، اۋىل شارۋاشىلىعى تاۋارىن ءوندىرۋشى، «ولجا اگرو» سەرىكتەستىگىنىڭ باسشىسى ايداربەك حودجانازاروۆ، تەڭ توراعالار مەن كاسىپكەرلەر سىرىمبەك تاۋ، رۋسلان بەردەنوۆ، ماكسيم بارىشەۆ، دينارا شۇكىجانوۆا، قۋانىش شونباي، بەيبىت الىبەكوۆ جانە نۇرلان قويانباەۆ قاتىسادى.