كوكشەتاۋ تۇرعىنىنان زاڭسىز ساقتالعان قارۋ تاركىلەندى

1 اقپان كۇنى كوكشەتاۋ قالاسىندا ەسىرتكى قىلمىسىنا قارسى ءىس-قيمىل بولىمشەسىنىڭ قىزمەتكەرلەرى جەرگىلىكتى تۇرعىننىڭ ۇيىنەن 16 كاليبرلى يج اڭشىلىق مىلتىقتىڭ جانە وعان 17 پاتروننىڭ كەسىندىسىن تاۋىپ، تاركىلەدى. جەدەل قىزمەتكەرلەردىڭ ايتۋىنشا، 55 جاستاعى ەر ادام بۇرىن ەسىرتكى قولدانعان، سونىمەن قاتار پوليتسەيلەردىڭ كوزىنە ءجيى تۇسكەن.

«اقمولالىقتىڭ ايعاقتارىنا سايكەس، قارۋ الىس تۋىسىنان قالعان، ال ول ونى كىرەبەرىستەگى قاراپايىم شكافتا قاۋىپسىزدىك ەرەجەلەرىن ساقتاماي ساقتاعان. اتالعان دەرەككە قاتىستى پوليتسەيلەر قر قك-ءنىڭ 287-بابى بويىنشا سوتقا دەيىنگى تەرگەۋدى باستادى. ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى بۇلاندى اۋدانىنىڭ ماكينسك قالاسىنداعى قاراۋسىز قالعان ءۇيدىڭ اۋماعىنان تاعى ءبىر قارۋ تاپتى. ەكىنشى قاباتتاعى قۇرىلىستى تەكسەرۋ كەزىندە جەدەل قىزمەتكەرلەر STOEGER-2000 تەگىس ۇڭعىلى، ءبىر ۇڭعىلى، اڭشىلىق مىلتىقتى جانە 3 پاتروندى تاۋىپ الدى»، دەلىنگەن Polisia.kz تاراتقان اقپاراتتا.

انىقتالعانداي، تاركىلەنگەن قارۋ بالليستيكالىق ساراپتاماعا جىبەرىلگەن.