ەلدى مەكەندەردى سۋ باسۋ قاۋپىنە بايلانىستى ارىس قالاسى اكىمدىگىنىڭ, اۋداندىق توتەنشە جاعدايلار ءبولىمىنىڭ باسشىلىعى, اۋىلدىق وكرۋگتەردىڭ اكىمدەرى سۋ تاسقىنىنا قارسى شارالار ۇيىمداستىردى.
وعان قارۋلى كۇشتەردىڭ 44859 اسكەري ءبولىمىنىڭ ءجۇز ساربازى, №7 ءورت ءسوندىرۋ ءبولىمىنىڭ جەكە قۇرامى, «جاسىل ارىس» كمم ماماندارى, جاستار رەسۋرستىق ورتالىعىنىڭ ەرىكتىلەرى جۇمىلدىرىلدى.
قازىرگى ۋاقىتتا اۋىلدىق وكرۋگتەرگە جانە سۋ باسۋ قاۋپى بار ايماقتارعا جىبەرىلەتىن 2 مىڭ قاپ قۇم دايىندالدى.
ايماق باسشىلىعى ورىن العان جاعدايدى باقىلاۋدا ۇستايدى. كەزەكشى بەكەتتەردە وزەن اعىسى مەن سۋ دەڭگەيىن باقىلاۋ جۇزەگە اسىرىلاتىن بولادى.
