كەڭ اۋقىمدى ىنتىماقتاستىق جالعاسادى

سىرتقى ىستەر ءمينيسترى ەرلان ىدىرىسوۆ اقش پرەزيدەنتىنىڭ ارنايى كومەكشىسى – اقش ۇلتتىق قاۋىپسىزدىك كەڭەسىنىڭ رەسەي جانە ورتالىق ازيا جونىندەگى اعا ديرەكتورى سەلەستە ۋوللاندەرمەن كەزدەستى, دەپ حابارلادى قر ءسىم-ءىنىڭ ءباسپاسوز قىزمەتى. كەزدەسۋ بارىسىندا سا­يا­­سي جانە ساۋدا-ەكو­نو­­مي­­كالىق سا­لالارداعى قازاق­­ستان مەن اقش ارا­سىن­داعى ىنتى­ماق­تاس­تىق­تىڭ قازىرگى جاع­دايى مەن بو­لاشاعى تالقى­لاندى. تا­راپ­تار وڭىردەگى ەل­دەردىڭ قاۋ­ىپسىزدىگى مەن جال­پى تا­راتپاۋدىڭ جاھان­دىق جۇيەسىن بارىنشا نىعاي­تا­تىن, ۇستىمىزدەگى جىلعى 6 مامىردا نيۋ-يوركتە قول قويىلعان «يادرولىق بەس­تىك» ەلدەرىنىڭ ورتالىق ازيا­داعى ياد­رولىق قارۋدان ازات اي­ماققا مۇشە ەلدەر­گە كەرى كە­پى­لى تۋرالى حات­تا­مانىڭ تەزى­رەك كۇشىنە ەنۋ ماڭىزىن اتاپ ءوتتى. سۇحباتتاسۋشىلار, سون­داي-اق, ستراتەگيالىق ءارىپ­­تەستىك جونىندەگى كوميس­سيا مەن ەنەرگەتيكا سالاسىن­داعى ارىپتەستىك جونىندەگى ءبىر­لەسكەن كوميسسيا سياق­تى قازاقستان-امەريكا ىن­تى­­ماق­تاستىعىنىڭ دامۋ قۇرى­لىمدارىنىڭ تابىستى جۇمىستارىن اتاپ ءوتتى. ساۋدا-ەكونوميكالىق ءجا­نە ينۆەستيتسيالىق ىنتى­ماق­تاستىق ەكى ەل اراسىن­داعى ستراتەگيالىق ارىپتەس­تىكتىڭ ماڭىزدى ەلەمەن­تى بولىپ تابىلادى. ب.وبا­مانىڭ كومەكشىسى بۋرا­بايدا وتكەن قازاقستان پرە­زيدەنتى جانىنداعى شەتەل ينۆەس­تورلارى كەڭەسىنىڭ 27-ءشى وتىرىسىندا پرەزيدەنت ن.نازارباەۆ جاريالاعان ينۆەس­تيتسيالىق احۋالدى جاق­سارتۋ بويىنشا شارا­لار پاكەتى تۋرالى اقپا­رات­تى قىزىعۋشىلىقپەن قابىل­دادى. س.ۋوللاندەر ب.وباما اكىمشىلىگى اقش-تىڭ ىسكەر توپتارى ينۆەستيتسيالىق تۇر­­عىدان دا, ەكسپو-2017 سياق­­تى جوبالارعا قاتىسۋ ءۇشىن دە قازاقستانمەن ىن­تى­­ماقتاستىق بويىنشا تى­عىز جۇمىس جاسايتىنىن قۋاتتادى. سۇحباتتاستار اراسىندا حالىقارالىق ساياسات پەن وڭىرلىك قاۋىپسىزدىكتىڭ, ونىڭ ىشىندە ۋكرايناداعى جاع­­داي, حالىقارالىق كوا­ليتسيا اسكەرلەرىن اۋعانستان­نان شىعارعان كەزدە تۇ­راق­­تىلىقتى ساقتاپ قالۋ سياق­­تى وزەكتى ماسەلەلەر بوي­ىن­­شا پىكىر الماسۋ ءوتتى. اقش اكىمشىلىگى اتىنان س.ۋول­لاندەر قازاقستان مەن ونىڭ باس­شىسىنا شيەلەنىسكەن ءوڭىر­لىك جانە جاھاندىق ماسە­لەلەردى شەشۋدەگى وڭ ءرولى ءۇشىن العىسىن ءبىلدىردى. تاراپتار قازاقستان-امە­ريكا ارىپتەستىگىنىڭ بارلىق باعىتتارىن نىعايتۋ جانە كەڭەيتۋ جۇمىستارىن ودان ءارى جالعاستىرا بەرۋگە كە­لىستى.