ەلىمىز قىزمەتى وڭ باعالاندى

بۇۇ باس اسسامبلەياسىندا «ادام قۇقىقتارى مەن زاڭ باسىمدىعىنىڭ «پوست-2015» دامۋ كۇن تارتىبىنە قوسقان ۇلەسى» اتتى جوعارى دەڭگەيلى وتىرىس بولىپ ءوتتى. بۇل – 2015 جىلدان كەيىنگى جاڭا جاھاندىق دامۋ كۇن ءتارتىبىن قالىپتاستىرۋ جونىندەگى ۇدەرىستەردىڭ اياقتاۋشى كەزەڭدەرىنىڭ ءبىرى. مۇندا قازاقستان اتىنان قازاقستان پرەزيدەنتى جانىنداعى ادام قۇقىقتارى جونىندەگى كوميسسيانىڭ حاتشىسى تاستەمىر ابىشەۆ ءسوز سويلەدى. ت.ابىشەۆ ءوز سوزىندە بۇۇ قىزمەتى ادامنىڭ نەگىزدەمەلىك قۇقىقتارى مەن بوستاندىقتارىن قامتاماسىز ەتۋدىڭ ماڭىزى مەن ۇلتتىق جانە حالىقارالىق دەڭگەيدە جاھاندىق تۇراقتى دامۋعا جەتۋ, حالىقارالىق بەيبىتشىلىك پەن قاۋىپسىزدىكتى ساقتاۋ, جەرگىلىكتى جانە حالىقارالىق جانجالداردى رەتتەۋ ءۇشىن قاجەت ەكەندىگىن اتاپ ءوتتى. ءىس-شارا اياسىندا ت. ابىشەۆ بۇۇ باس حاتشىسىنىڭ ادام قۇقىقتارى ءجو­نىندەگى كومەكشىسى يۆان شيمونوۆيچپەن كەزدەسىپ, قازاقستاندا ادام قۇقىقتارىن قامتاماسىز ەتۋدىڭ جاعدايى تۋرالى, سونىمەن قاتار, وسال توپتار ساناتىنداعى بوسقىندار, ەڭبەك ميگرانتتارى, ازاماتتىعى جوق ادامدار, ورالماندار, ادام ساۋداسىنىڭ قۇرباندارى ماسەلەسى تۋرالى باياندادى. سونداي-اق, قازاقستاننىڭ بۇۇ-نىڭ  قۇقىق قورعاۋ قۇرىلىمدارىمەن ىنتىماقتاستىعىن ودان ءارى دامىتۋ بويىنشا بىرقاتار جايتتار تالقىلاندى. قازاقستاننىڭ بۇۇ جانىنداعى تۇراقتى وكىلدىگى جەتەكشى حالىقارالىق قۇقىق قورعاۋ ۇكىمەتتىك ەمەس ۇيىم­دارى­نىڭ قاتىسۋىمەن دوڭگەلەك ۇستەل ۇيىمداستىردى. بۇل جيىنعا حيۋ­مان رايتس ۋوتچ, جۋرناليستەردى قور­عاۋ كوميتەتى, اشىق قوعام قورى جانە حالىقارالىق امنيستيا ۇيىمى شاقى­رى­لىپ, قازاقستاننىڭ تاقىرىپقا قا­تىس­تى بىرقاتار باياندامالارى نازارعا ۇسىنىلدى. حالىقارالىق قۇقىق قورعاۋشىلار دوڭگەلەك ۇستەل ءۇشىن العىستارىن ءبىل­دىرىپ, قازاقستاندىق جانە حالىقارالىق ۇكى­مەتتىك ەمەس قۇقىق قورعاۋ ۇيىمدارىمەن ىنتىماقتاستىقتى نىعايتۋ بويىنشا قازاقستاننىڭ بەلسەندى كۇش-ارە­كەت­تەرىنە وڭ باعاسىن بەردى. ولار باق قىزمەتىنە قاتىستى ناقتى ىستەر تۋرالى ءسوز قوزعاپ, قازاقستانداعى قۇقىق قورعاۋ قىزمەتىن ودان ءارى جەتىلدىرۋ بويىنشا ۇسىنىمدامالار بەردى.