باس جۇلدە كارياكين مەن گيريگە بۇيىردى

راپيدتەن وتكەن تۋرنيردە 18 جاسار ءبيبىسارا داڭقتى شاحماتشى، الەم كۋبوگىنىڭ يەگەرى، كوماندالىق ەسەپتە الەم­نىڭ ەكى دۇركىن چەمپيونى، 2016 جىلعى «ۇمىتكەرلەر ءتۋرني­رىنىڭ» جەڭىمپازى، بليتس پەن راپيدتەن الەم چەمپيونى 33 جاستاعى سەرگەي كاريا­كيندى ۇتىپ، سان ميلليون جان­كۇيەردىڭ ىستىق ىقىلاسىنا بولەنگەن ەدى. بىراق سول جەڭىستىڭ ءوزى ۇزدىكتەر قاتارىنا قوسىلۋ ءۇشىن جەتكىلىكسىز بولدى. وسى جارىستا 4 ۇپاي ولجالاعان قازاق قىزى تەيمۋر رادجابوۆپەن بىرگە بەسىنشى جانە التىنشى ورىنداردى ءوزارا ءبولىستى. 6،5 ۇپاي­دى قورجىنعا سالعان ۇندىس­تاندىق راۋناك سادحۆاني كوش باستاسا، رەسەيلىك سەرگەي كاريا­كين مەن ۆلاديسلاۆ ارتەمەۆ (6 ۇپايدان) ەكىنشى جانە ءۇشىنشى ورىنداردى يەلەندى.

بليتس باسەكەسىندە ءبيبى­سارانىڭ باعى جانبادى. نە­بارى 4 ۇپايدى ەنشىلەگەن ول سوڭعى ورىندا قالىپ قويدى. بۇل تۋرنيردە جەرگىلىكتى شاح­مات­شىلاردىڭ تەگەۋرىنى وتە كۇشتى بولدى. ءبىرىنشى ورىندى الەك­ساندر گريششۋك يەلەنسە، ەكىنشى جانە ءۇشىنشى ساتىعا كارياكين مەن ارتەمەۆ جاي­عاستى.

ال قورىتىندى ەسەپتەگى جاعداي مىناداي: 1. سەر­گەي كارياكين (راپيدتە 2 ورىن+بليتستە 2 ورىن)، 2. الەك­­ساندر گريششۋك (4+1)، 3-4. راۋناك سادحۆاني (1+5) مەن ۆلا­ديسلاۆ ارتەمەۆ (3+3)، 5. تەيمۋر رادجابوۆ (7+4)، 6-7. ەكاتەرينا لاگنو (5+9) مەن سانان سيۋگيروۆ (8+6)، 8. ءبي­بىسارا اساۋباەۆا (6+10) جانە 9-10. الەكساندرا گورياچكينا (9+8) مەن فرانسيسكو ۆالەحو (10+7).

ال نيدەرلاندتىڭ ۆەي- كا­ن-زەە قالاسىندا ۇيىمداس­تىرىلعان تۋرنيردە ۇزاق ۋاقىت بويى نوديربەك ابدۋساتتوروۆ كوش باستاعان-تىن. ءتىپتى ونىڭ وسى جارىستا جەڭىمپاز اتاناتىنىنا ەشكىمنىڭ دە كۇمانى بولعان جوق ەدى. الايدا سوڭ­عى تۋردا اق تاستارمەن وي­نا­عان وزبەكستاننىڭ وكىلى وي­دا-جوقتا جەرگىلىكتى ويىنشى يوردەن ۆان فورەستتەن ۇتى­لىپ قالدى. ناتيجەسىندە، اب­دۋساتتوروۆ نور­ۆەگيانىڭ داڭق­تى شاحماتشىسى، الەم چەمپيو­نى ماگ­نۋس كارلسەنمەن بىرگە ەكىنشى جانە ءۇشىنشى ورىنداردى ءوزارا ءبولىستى. ولاردىڭ ارقايسىسى 8 ۇپايدان يەلەندى. ال باس جۇلدە قىزعالداقتار ەلىنىڭ تاعى ءبىر ءدۇلد ۇلى انيش گيريگە بۇيىردى. ول باستى قارسىلاستارىنان جار­تى ۇپاي ارتىق جينادى.