استانادا اگرووندىرىستىك ينۆەستيتسيالىق فورۋم وتۋدە

استانا. 17 ماۋسىم. استانادا اگرووندىرىستىك ينۆەستيتسيالىق فورۋم ءوز جۇمىسىن باستادى. العاش رەت ۇيىمداستىرىلىپ وتىرعان اتالعان جيىنعا 150 كومپانيانىڭ وكىلدەرى قاتىسۋدا. بۇلاردىڭ اراسىندا ەۋروپا, تاياۋ شىعىس مەملەكەتتەرى مەن اقش, رەسەي, ۋكراينا جانە ءوز ەلىمىزدىڭ كاسىپورىندارى بار. بۇل تۋرالى strategy2050.kz حابارلادى. وسى ماڭىزدى شارانى اۋىلشارۋاشىلىعى مينيسترلىگىنىڭ قولداۋىمەن «قازاگرو» حولدينگى مەن بريتانيالىق Adam Smith Conferences ۇيىمداستىرىپ وتىر. «قازاگرو» ۇلتتىق باسقارۋشى حولدينگىنىڭ باسقارما توراعاسىنىڭ ورىنباسارى داۋرەن ماحاجانوۆ: «بۇگىندە ازىق-ت ۇلىك قاۋىپسىزدىگى ماسەلەسى الەمدەگى ءاربىر ەلدىڭ مەملەكەتتىك باعدارلاماسى مەن ساياساتىنىڭ ماڭىزدى ءبىر بولىگىنە اينالىپ وتىر. قازىرگى تاڭدا الەمدەگى ادام سانىنىڭ ارتۋ قارقىنى ازىق-ت ۇلىك ءوندىرىسىنىڭ ءوسۋ قارقىنىنان ءبىر جارىم ەسە ارتىق. وسى ورايدا كۇن ساناپ تاپشىلىق تا بايقالۋدا. وسى سىندى ماسەلەلەردى شەشۋ ءۇشىن «قازاگرو» اتالمىش فورۋمدى ۇيىمداستىرىپ وتىر», – دەدى. قازىرگى تاڭدا حولدينگ ەلىمىزدىڭ اۋىل شارۋاشىلىعى سالاسىنا ينۆەستيتسيا تارتۋ بويىنشا 30 ترانسۇلتتىق اگروونەركاسىپتىك كومپانيالارمەن بىرلەسە جۇمىس جۇرگىزۋدە. فورۋم 2014 جىلدىڭ 18 ماۋسىمىندا اياقتالادى. جولدىباي بازار. دەرەككوز: strategy2050.kz. فوتو: voxpopuli.kz.