ەۋرازيالىق ەكونوميكالىق وداق – الەمدىگى ەڭ ءىرى بىرلەستىكتەردىڭ ءبىرى

استانا. 17 ماۋسىم. ءبىزدىڭ بيزنەسمەندەر ەۋرازيالىق ەكونوميكالىق وداق اياسىنداعى بارلىق مۇمكىندىكتەردى پايدالانۋى ءۇشىن ەڭ الدىمەن ءوز ونىمدەرىنىڭ ساپاسىن جاقسارتۋى كەرەك. الماتى قالاسىنىڭ اكىمى احمەتجان ەسىموۆ وسىنداي پىكىردە. بۇل تۋرالى BNews.kz حابارلادى. احمەتجان ەسىموۆ: «ەۋرازيالىق ەكونوميكالىق وداق – الەمدەگى ءىرى ەكونوميكالىق وداقتاردىڭ ءبىرى. ول وتاندىق بيزنەسمەندەرگە ۇلكەن مۇمكىندىكتەر اشادى. تاۋارلار, قىزمەتتەر مەن جۇمىستار باسەكەلەستىگى كۇشەيەدى. سوندىقتان, ءبىزدىڭ بيزنەسمەندەر بارلىق مۇمكىندىكتەردى پايدالانۋى ءۇشىن ەڭ الدىمەن ءوز ونىمدەرىنىڭ ساپاسىن جاقسارتۋى كەرەك. ەۋرازيالىق ەكونوميكالىق وداققا  دەيىن كەدەن وداعى قۇرىلىپ, بىرىڭعاي ەكونوميكالىق كەڭىستىك جۇمىس ىستەدى. ەگەر وتكەن جىلدىڭ كورسەتكىشتەرىن سالىستىراتىن بولساق, 2013 جىلى الماتىنىڭ كەدەن وداعى ەلدەرىمەن تاۋار اينالىمى 14%-عا ءوسىپ, 8,6 ملرد. دوللارعا جەتتى. بۇل وتە جاقسى كورسەتكىش», – دەدى. جولدىباي بازار. دەرەككوز: BNews.kz. فوتو: capital.kz.