قازاقستان-ۆەتنام ىنتىماقتاستىعىن نىعايتۋعا ەكى جاق تا مۇددەلى

استانا. 17 ماۋسىم. حانويدا ەلىمىزدىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى بەكەتجان جۇماحانوۆ پەن ۆەتنام ونەركاسىپ جانە ساۋدا ءمينيسترى ۆۋ حيۋي حوانگ كەزدەسىپ, ساۋدا-ەكونوميكالىق جانە ينۆەستيتسيالىق سالالارداعى ەكىجاقتى ءوزارا ءىس-قيمىلدار بارىسىن تالقىلادى. بۇل تۋرالى «قازاقپارات» حابارلادى. كەزدەسۋ بارىسىندا ۆۋ حيۋي حوانگ مۇناي-گاز سالاسىنداعى ىنتىماقتاستىقتى, سونداي-اق كەدەن وداعىمەن ەركىن ساۋدا ايماعىن قۇرۋ ماسەلەسىندەگى ءوزارا بايلانىستاردىڭ ماڭىزدىلىعىن اتاپ ءوتتى. سونىمەن قاتار, ول مينەرالدىق رەسۋرستاردى ءوندىرۋ مەن وڭدەۋ ىستەرىن, ۆيناكومين كورپوراتسياسى جانە قازاقستاندىق ارىپتەستەر اراسىنداعى قارىم-قاتىناستى ىلگەرىلەتۋ قاجەت دەگەن پىكىرىن جەتكىزدى. ال بەكەتجان جۇماحانوۆ بۇگىندە 230 ملن. دوللارعا جەتىپ وتىرعان ەكى ەل اراسىنداعى ساۋدا اينالىمىن ودان ارى ارتتىرۋدىڭ مۇمكىندىكتەرىن ايتا وتىرىپ, ۇكىمەتتىڭ ەلدەگى ينۆەستيتسيالىق احۋالدى جاقسارتۋ بويىنشا قابىلداپ جاتقان شارالارى جونىندە اڭگىمەلەپ بەردى. جولدىباي بازار. دەرەككوز: «قازاقپارات». فوتو: ortcom.kz.