ەلىمىزدە ينۆەستيتسيالىق احۋالدى جاقسارتۋعا بارلىق جاعداي جاسالۋدا

استانا. 17 ماۋسىم. شەتەلدىك ينۆەستورلار ەلىمىزدەگى ينۆەس­تي­تسيالىق احۋالدى جاقسارتۋعا بايلانىستى اتقارىلىپ جاتقان جۇمىستارعا قولداۋ بىلدىرەدى. فرانتسيالىق «Total» كومپانياسىنىڭ ۆيتسە-پرەزيدەنتى يۆ-لۋي دارريكاررەر وسىنداي پىكىردە. بۇل تۋرالى egemen.kz ءتىلشىسى حابارلادى. يۆ-لۋي دارريكاررەر: «ءبىز قازاقستانمەن ارىپتەستىك قارىم-قاتىناسقا تۇسكەننەن بەرى بۇل ەلدىڭ جاعدايى جىلدان-جىلعا جاقسارا تۇسكەندىگىنە, قابىلدانعان شەشىمدەردىڭ ومىردە ناقتى جۇزەگە اسىپ جاتقاندىعىنا كۋا بولىپ ءجۇرمىز. ونىڭ ۇستىنە قازاق-فرانتسۋز بىرلەسكەن جوبالارى ارتا تۇسۋدە. سونىڭ ناتيجەسىندە فرانتسيا قازىرگى كۇنى قازاقستان ەكونوميكاسىنداعى ەڭ ءىرى ءتورت ينۆەستوردىڭ ءبىرى بولىپ وتىر», – دەدى. بۇگىندە ەلىمىزدە 150-دەن استام فرانتسۋز كومپانيالارى جۇمىس ىستەۋدە. ولار ەل ەكونوميكاسىنىڭ اۆياعارىش, مۇناي-گاز, كولىك سەكىلدى ماڭىزدى سالالارىندا ەڭبەك ەتىپ كەلەدى. جولدىباي بازار. دەرەككوز: egemen.kz. فوتو: mn.ru.