استانانىڭ يندۋستريالدى پاركىندە 5 جاڭا كاسىپورىن ىسكە قوسىلادى

استانا. 17 ماۋسىم. بيىل استانانىڭ يندۋستريالدى پاركىندە 5 جاڭا كاسىپورىن ىسكە قوسىلادى, سونىڭ ناتيجەسىندە 800 جۇمىس ورنى اشىلادى دەپ كۇتىلۋدە. بۇل تۋرالى astana.kz حابارلادى. 2014 جىلى ىسكە قوسىلاتىن جاڭا كاسىپورىندار ىشىندە «شينا-لوگيستيكالىق كەشەنى جانە شينانى قالپىنا كەلتىرۋ ءوندىرىسى» جوباسىنىڭ 1-ءشى كەزەڭى; كومپيۋتەرلىك باعدارلامامەن قامتاماسىز ەتىلگەن تىگىن قۇرال-جابدىقتارىن قۇراستىرۋعا جانە توقىما ونىمدەرىن شىعارۋعا ارنالعان جوبا – «KazTexExpo» اۆتوماتتاندىرىلعان ساۋدا-وندىرىستىك كەشەنى بار. بۇدان بولەك, مەتالل قۇرىلىم مەن «سەندۆيچ» – پانەل ءوندىرىسى بويىنشا زاۋىت, زاماناۋي ونەركاسىپتىك مەتالل وڭدەۋ جانە دانەكەرلەۋ جابدىقتارىن پايدالانۋ ارقىلى مەتالل قۇرىلىم ءوندىرىسى اشىلادى. سونىمەن قاتار, ديزەلدى قوزعالتقىش زاۋىتى ىسكە قوسىلادى. اتالعان جوبا بويىنشا Evolution (GEVO) ۇلگىسىندەگى ديزەلدى قوزعالتقىشتار شىعارىلادى. سونداي-اق, قوسالقى بولشەكتەردى دايىنداۋ مەن قوزعالتقىشتارعا تەحنيكالىق قىزمەت كوسەتۋ جۇمىستارى قامتىلادى. جالپى, يندۋستريالدى پاركتە جۇزەگە اسىرىلاتىن جوبالاردى وندىرىستىك ىسكە قوسۋ 2017 جىلى اياقتالادى. ايتا كەتەيىك, يندۋستريالدى پارك  استانانىڭ جاڭا ونەركاسىپتىك ايماعى. پاركتە ونەركاسىپتىك نىسانداردى تەز سالۋ مەن ولاردى ودان ءارى پايدالانۋعا بەرۋ ءۇشىن قولايلى جاعدايلار جاسالعان. جولدىباي بازار. دەرەككوز: astana.kz. فوتو: astana.gov.kz.