كۇنى كەشە پورتۋگاليانىڭ المادا قالاسىنداعى دزيۋدودان گران-ءپريدىڭ 2 - كۇنى اياقتالدى. قازاقستان قۇراماسىنىڭ قورجىنىنا 73 كەلىگە دەيىنگى سالماقتا باق سىناعان جانساي سماعۇلوۆ جۇلدەلى ورىنداردىڭ بىرىنە يە بولدى، دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
تاجىريبەلى وتانداسىمىز فينالدا وزبەكستاندىق وبيدحون نومونوۆقا ەسە جىبەرىپ الدى.
جانساي سماعۇلوۆ ىرىكتەۋ كەزەڭىندە اۋەلى شۆەد ولوف حەرمودسسوندى، سوسىن ۋكراينالىق ۆلاديسلاۆ كازيميروۆ پەن بەلگيالىق يەرۋن كاسسەنى ۇتىپ، ۆ توبىنان شىقتى. جارتىلاي فينالدا ا توبىنىڭ جەڭىمپازى يسپان حوسە انتونيو اراندانىڭ جاۋىرىنىن جەرگە تيگىزدى.
وسى سالماقتاعى تاعى ءبىر قازاقستاندىق اڭساربەك عاينۋللين گامبيالىق فەي ءندجيدى (شيدو سانىمەن) جانە پورتۋگاليالىق سابا دانەليانى ۇتقانىمەن، ازەربايجاندىق نۇرلان وسمانوۆتان ۇتىلىپ قالدى.
بارلىعى 73 كەلىگە دەيىنگى سالماقتا 60 دزيۋدوشى سىنعا ءتۇستى.
قازىر قازاقستان قۇراماسى جالپى ەسەپتە 1 التىن جانە 2 كۇمىس مەدالمەن 2 - ورىندا تۇر.
ايتا كەتەيىك، گران-پري 29 قاڭتارعا دەيىن تەجۋ وزەنىنىڭ جاعاسىندا وتەدى. مۇندا 81 ەلدىڭ 550-گە جۋىق تاتامي شەبەرى رەيتينگ ۇپايى ءۇشىن تالاسىپ جاتىر.
گۇلشاحرا سانسىزباي
ماۋلەن اشىمباەۆ ناۋرىز مەرەكەسىمەن قۇتتىقتادى
قوعام • بۇگىن، 12:19
پرەزيدەنت: ورازا ۇستايتىن جاماعاتتىڭ نيەتى قابىل بولسىن!
پرەزيدەنت • بۇگىن، 11:55
الدا اتقاراتىن جۇمىس كوپ - مەملەكەت باسشىسى
پرەزيدەنت • بۇگىن، 11:46
پرەزيدەنت: سايلاۋ – اۋقىمدى وزگەرىستەردىڭ لايىقتى جالعاسى
پرەزيدەنت • بۇگىن، 11:34
پرەزيدەنت ناۋرىز مەرەكەسىمەن قۇتتىقتادى
پرەزيدەنت • بۇگىن، 11:30
جانىبەك ءالىمحان ۇلىنىڭ كەلەسى قارسىلاسىمەن جەكپە-جەك وتكىزەتىن كۇنى بەلگىلى بولدى
سپورت • بۇگىن، 10:48
ۇقساس جاڭالىقتار
