ەركەعالي راحماديەۆ اتىنداعى مەملەكەتتىك اكادەميالىق فيلارمونيا مەن سيمفونيالىق وركەستر كورەرمەندەردى الەمدىك جانە وتاندىق مۋزىكا كلاسسيكاسىنىڭ جارقىن تۋىندىلارىمەن تانىستىراتىن «VIVA MUSICA!» توپتاماسىنان كەزەكتى كونتسەرت ۇسىندى.
كەش باعدارلاماسىندا ەركەعالي راحماديەۆتىڭ «دايراباي» سيمفونيالىق كۇيى، الماس سەركەباەۆتىڭ «شالقىما» سيمفونيالىق پوەماسى، ارام حاچاتۋرياننىڭ لوپە دە ۆەگانىڭ «ۆالەنسيانسكايا ۆدوۆا» كومەدياسىنا سيۋيتاسى جانە وركەسترمەن سكريپكاعا ارنالعان شىعارماسى بار. كەش قوناعى – «دارىن» مەملەكەتتىك جاستار سىيلىعىنىڭ لاۋرەاتى، سكريپكاشى جىبەك مۇسىرعاليەۆا.
«…مەن مۋزىكانى باقىتقا كەنەلگەن شاعىمدا جازدىم. وعان قوسا ۇلىمنىڭ دۇنيەگە كەلگەنىن كۇتىپ جۇرگەنمىن. بۇل شابىتتانعان كۇيىمنىڭ ارقاسىندا ومىرگە دەگەن قۇشتارلىعىم مۋزىكاعا اينالدى»، دەپ ەسكە الدى كسرو حالىق ءارتىسى ارام حاچاتۋريان.
فيلارمونيا كورەرمەندەرى ا.حاچاتۋرياننىڭ شىعارمالارىنان بولەك قازاق مۋزىكاسىنىڭ ءىنجۋ-مارجاندارى سانالاتىن جارقىن شىعارمالاردى دا تىڭدايدى. ەركەعالي راحماديەۆتىڭ «دايراباي» سيمفونيالىق كۇيىن مۋزىكاتانۋشىلار قازاق ونەرىنىڭ بيىك تۋىندىسى دەپ باعالايدى. ال الماس سەركەباەۆ وركەسترلىك «شالقىما» پەساسىن حالىق كومپوزيتورى جانتورەنىڭ اتتاس كۇيىنىڭ تاقىرىبىنا جازعان. تەگەۋرىندى تۋىندى كەڭ ورىسىمەن، ەركىندىگىمەن تىڭدارماندى باۋراپ الادى. باس ديريجەر – «دارىن» مەملەكەتتىك جاستار سىيلىعىنىڭ لاۋرەاتى قالقامان دۇيسەمباەۆ.
قازاقستاندا ەۋروپالىق كاپيتال قۇيىلعان 3 مىڭنان استام كومپانيا جۇمىس ىستەيدى
ساياسات • بۇگىن، 17:32
پرەزيدەنت كولىك-لوگيستيكالىق ينفراقۇرىلىمدى دامىتۋدىڭ ماڭىزىنا توقتالدى
پرەزيدەنت • بۇگىن، 17:17
پرەزيدەنت: ەۋروپالىق وداق - قازاقستاننىڭ ەڭ ءىرى ساۋدا سەرىكتەسى
ەكونوميكا • بۇگىن، 17:14
مەملەكەتتىك رامىزدەر كۇنىنە وراي تەلەمارافون وتەدى
ەلوردا • بۇگىن، 16:55
جىل باسىنان بەرى 7 مىڭنان استام ينتەرنەت-الاياقتىق فاكتىلەرى تىركەلگەن
قوعام • بۇگىن، 16:50
قارجى • بۇگىن، 16:29
ۇقساس جاڭالىقتار
ونلاين 
