ىنتىماقتاستىق نىعايا ءتۇستى

كەشە ەلىمىزدىڭ باس پروكۋرورى اسحات داۋىلباەۆ اقش پرەزيدەنتىنىڭ ارنايى كومەكشىسى, اقش ۇلتتىق قاۋىپسىزدىك كەڭەسىنىڭ رەسەي مەن ەۋرازيا بويىنشا اعا ديرەكتورى سەلەستا ۋوللاندەرمەن كەزدەستى, دەپ حابارلادى باس پروكۋراتۋرانىڭ ءباسپاسوز قىزمەتى. كەزدەسۋ بارىسىندا ەكىجاقتى قۇقىقتىق ىنتىماقتاستىق پەن قىلمىستىق قۇقىق سالاسىنداعى قۇقىقتىق كومەكتى ۇلعايتۋ جانە نىعايتۋ جونىندەگى بىرقاتار ماسەلەلەر تالقىلاندى. سونىڭ ىشىندە تاراپتار ايماقتىق قاۋىپسىزدىكتى قامتاماسىز ەتۋ, تەرروريزم مەن ەكسترەميزم, ترانسۇلتتىق ۇيىمداسقان قىلمىس, ەسىرتكى قىلمىستارى, كيبەرقىلمىستارعا قارسى جانە قارۋ-جاراق ساۋداسى اياسىنداعى ىقپالداستىقتىڭ ءارى قارايعى باعىتتارى تۋرالى پىكىر الماستى. ا.داۋىلباەۆ ەكى ەل اراسىنداعى قۇقىقتىق ىنتىماقتاستىق ءتيىمدى جۇزەگە اسىرىلىپ كەلە جاتقانىن اتاپ ءوتتى. قازاقستاننىڭ باس پروكۋراتۋراسى امەريكالىق قۇزىرەتتى ورگاندارمەن ءوزارا قاعيداتى نەگىزدە قىلمىسپەن كۇرەس جانە قىلمىستىق ىستەر بويىنشا قۇقىقتىق كومەك كورسەتۋ مەن قىلمىسكەرلەردى ۇستاپ بەرۋ سالاسىندا بەلسەندى جۇمىس اتقارۋدا. اڭگىمەلەسۋشىلەر حالىقارالىق جانە ايماقتىق قاۋىپسىزدىكتى قامتاماسىز ەتۋ بويىنشا زاماناۋي گەوساياسي ماقساتتار اياسىندا قازىرگى زامان پروبلەمالارىنا توتەپ بەرۋدە كۇش-جىگەردى جۇمىلدىرۋدىڭ ماڭىزدىلىعى ارتا تۇسكەنىن باسا ايتىپ, ءارى قاراي دا ءوزارا ءتيىمدى ىنتىماقتاستىقتى دامىتۋعا دايىن ەكەندىكتەرىن اتاپ ءوتتى.