تاعىلىمدى ساپار

ءدىن ىستەرى اگەنتتىگىنىڭ توراعاسى مارات ءازىلحانوۆ جاقىندا ارنايى ساپارمەن جامبىل وبلىسىنىڭ قورداي اۋدانىندا بولدى, دەپ حابارلادى اگەنتتىكتىڭ ءباسپاسوز قىزمەتى. اگەنتتىك توراعاسى ساپارى بارىسىندا قورداي اۋدانىنىڭ ماسانشى, سورتوبە, اۋقاتتى اۋىلدىق وكرۋگ­تەرىندە بولىپ, مەشىتتەردى ارالادى, مەشىت يمامدارى جانە جاماعاتتارىمەن جۇزدەسىپ, ونداعى حالىقتىڭ ءدىني ساۋاتتىلىعىن ارتتىرۋ جانە تەرىس ءدىني اعىمداردىڭ ارەكەتتەرىنە قارسى اتقارىپ جاتقان جۇمىستارىنىڭ جاي-كۇيىمەن تانىستى. اگەنتتىك توراعاسىنىڭ ساپارى سور­توبە اۋىلدىق وكرۋگىنە قاراستى بۇلار باتىر اۋىلىندا اۋدان اكىمى ق.دوساەۆتىڭ, وبلىس اكىمدىگى ءدىن ىستەرى باسقارماسىنىڭ باسشىسى س.اي­داپكەلوۆتىڭ, ءبىلىم سالاسىنىڭ قىزمەتكەرلەرى مەن ۋچاسكەلىك پوليتسيا قىزمەتكەرلەرىنىڭ, اۋىلدىق ارداگەرلەر كەڭەسىنىڭ توراعالارى مەن وبلىس جانە اۋدان يمامدارى, اۋىل تۇرعىندارىنىڭ قاتىسۋىمەن وتكەن كەزدەسۋگە ۇلاستى. ساپاردىڭ ەكىنشى كۇنى قورداي اۋ­دانى اكىمدىگىندە وبلىس اكىمى ك.كوكىرەكباەۆتىڭ توراعالىعىمەن وبلىس اكىمدىگى جانىنداعى ءدىني بىرلەستىكتەرمەن بايلانىستار جونىندەگى كەڭەستىڭ كوشپەلى كەڭەيتىلگەن وتىرىسى ءوتتى. وعان جەرگىلىكتى اتقارۋشى جانە قۇقىق قورعاۋ ورگاندارى, قازاقستان حالقى اسسامبلەياسى حاتشىلىعىنىڭ قىزمەتكەرلەرى, كەڭەستىڭ قوعامدىق جانە ءدىني بىرلەستىكتەر وكىلدەرىنەن تۇراتىن مۇشەلەرى, تاراز قالاسى مەن اۋدان اكىمدەرى, پروكۋراتۋرا, ۇلتتىق قاۋىپسىزدىك كوميتەتى دەپارتامەنتى وكىلدەرى قاتىستى. كەڭەس وتىرىسىندا قورداي اۋدانىنىڭ سورتوبە, بايزاق اۋدانى­نىڭ قىزىل جۇلدىز, جۋالى اۋدا­نىنىڭ اقساي اۋىلدىق وكرۋگتەرى اكىمدىك­تەرىنىڭ تۇرعىندار اراسىندا ءدىني ساۋاتتىلىقتى ارتتىرۋ جانە راديكالدى ءدىني اعىمداردىڭ ىقپالىنا ءتۇسۋدىڭ جولىن كەسۋ بويىنشا اتقارعان جۇمىستارى قارالىپ, اۋىل اكىمدەرى بايانداما جاسادى. ودان كەيىن س.ايداپكەلوۆ وبلىستاعى ءدىني احۋال مەن اتقارىلىپ جاتقان جۇمىستار تۋرالى اقپارات بەردى. ال م.ءازىلحانوۆ اۋدانداعى ءدىني احۋال مەن اتقارىلىپ جاتقان جۇمىستارعا قاتىستى پىكىرىن ايتىپ, وسى باعىتتاعى ءىس-قيمىلدى ودان ءارى جەتىلدىرۋ ءۇشىن بىرقاتار ناقتى ۇسىنىستارىن بەردى. وتىرىستى ك.كوكىرەكباەۆ قورى­­تىن­دىلاپ, تۇرعىنداردىڭ ءدىني ساۋات­تىلىعىن ارتتىرۋ ماقسا­تىن­دا اۋىلدىق وكرۋگتەردە قۇرىل­عان اقپاراتتىق-ناسيحاتتىق توپ جۇ­مىستارىن جانداندىرۋدى, جاس­­تار اراسىندا راديكالدى ءدىني اعىم­دار­دىڭ ىقپالىنا ءتۇسۋدىڭ جولىن كەسۋ ماقساتىندا ءداستۇرلى يسلام قۇندىلىقتارىن جانە ۇلتتىق سالت-داستۇرلەردى ناسيحاتتاۋ جۇمىستارىن ودان ءارى جالعاستىرۋدى, جاستاردىڭ بوس ۋاقىتتارىن ءتيىمدى ۇيىمداستىرۋ ءۇشىن مەملەكەتتىك الەۋمەتتىك سالاداعى كەشەندەردى ءتيىمدى پايدالانا وتىرىپ, ولاردىڭ بويىندا پاتريوتتىق سەزىمدى قالىپتاستىرۋعا ىقپال ەتۋدى كەڭەس مۇشەلەرى مەن وبلىس اكىمدىگىنىڭ مۇددەلى باسقارما باسشىلارى جانە تاراز قالاسى مەن اۋدان اكىمدەرىنە تاپسىردى.