«بۇگىنگى كۇنى 28 مىڭ كولىكتى زاڭداستىرۋعا رۇقسات بەرىلدى. 5500 كولىك يەسى ءتيىستى قۇجاتتارى مەن نومىرلەرىن الدى», دەپ حابارلادى ءىىم وكىلدەرى بريفينگ بارىسىندا.
ەسكە سالا كەتەيىك, كولىكتى زاڭداستىرۋعا ءوتىنىشتى e-gov.kz ەلەكتروندى ۇكىمەت پورتالى ارقىلى, ەكىنشى دەڭگەيلى بانكتەردىڭ وتىنىشتەرى ارقىلى, حالىققا قىزمەت كورسەتۋ ورتالىقتارىندا بەرە الاسىز.
ەرەجەگە سايكەس, كولىك 2022 جىلدىڭ 1 قىركۇيەگىنە دەيىن قازاقستانعا اكەلىنۋى, قىلمىسكەرلەردىڭ ەسەبىندە بولماۋى, باسقا مەملەكەتتە بۇرىنعى تىركەلگەن جەرى بويىنشا ەسەپتەن شىعارىلۋى ءتيىس. سونداي-اق, ەۋرازيالىق ەكونوميكالىق وداققا كىرمەيتىن ەلدەردەن اكەلىنەتىن كولىك كەدەندىك رەسىمدەۋدەن ءوتۋى ءتيىس. ەگەر اۆتوكولىك زاڭداستىرۋعا جاتاتىن بولسا, وندا باستاپقى تىركەۋ ءۇشىن مەملەكەتتىك باج, تىركەۋ كۋالىگى جانە مەملەكەتتىك ءنومىر ءۇشىن الىم تولەۋ قاجەت.
ەسكە سالايىق, قازاقستاندا شەتەلدىك كولىكتەردى زاڭداستىرۋ 2023 جىلدىڭ 1 شىلدەسىنە دەيىن جالعاسادى.
