بۇگىن شىمكەنت قالاسىنىڭ اكىمى مۇرات ايتەنوۆ قالاداعى سۋ باسۋ قاۋپى بار اۋماقتاردى ارالادى، دەپ حابارلايدى Egemen.kz قالالىق اكىمدىكتىڭ ءباسپاسوز قىزمەتىنە سىلتەمە جاساپ.
اكىم الدىمەن بادام سۋ قويماسىندا بولىپ، وندا جۇرگىزىلىپ جاتقان سۋ تاسقىنىن الدىن-الۋعا باعىتتالعان جۇمىستارمەن تانىسقان. بيىل قالادا قاردىڭ جىلداعىدان قالىڭ جاۋعانىنا بايلانىستى سۋ قويماسى تولىپ كەتكەن. سۋ الۋ قاۋپى بولعان جاعدايدا شليۋزداردى رەتتەۋ ارقىلى «بادام» وزەنىنە جىبەرۋ جوسپارلانىپ وتىر.
«مۇرات دۇيسەنبەك ۇلى «توعىس» سۋ قويماسىنداعى سۋ تاسقىنىن الدىن الاتىن شارالارمەن دە تانىستى. سىيىمدىلىعى 4،6 ملن تەكشە مەتردى قۇرايتىن قويماعا سۋدى جيناۋ بۇگىندە اۆتوماتتى تۇردە جۇرگىزىلەدى. 265 شاقىرىمدى قۇرايتىن توعان اۋماعىندا قازىر سۋ باسۋ قاۋپىن الدىن الۋعا باعىتتالعان شارالار جان-جاقتى اتقارىلىپ جاتىر»، دەلىنگەن اكىمدىكتىڭ Instagram-داعى پاراقشاسىندا.
«اقساي قاراباستاۋ» كانالى دا قالاداعى سۋ تاسقىنى قاۋپى جوعارى اۋماق سانالادى. قازىر ۇزىندىعى 10،5 شاقىرىمدى قۇرايتىن كانالدى قاردان-مۇزدان تازارتۋ جۇمىستارى قارقىندى جۇرگىزىلىپ جاتىر.
قالانىڭ قاۋىپتى ايماقتارىنداعى سۋ تاسقىنىنا قارسى جۇمىستاردى تەكسەرگەن قالا باسشىسى جاۋاپتىلارعا مەردىگەر مەكەمەلەردىڭ دايىندىعىن قاداعالاۋدى قاتاڭ تاپسىردى.
«سۋ تاسقىنىن الدىن الۋدا اۋدان اكىمدەرى مەن ءتيىستى باسقارما باسشىلارى بىرلەسە جۇيەلى جۇمىس جۇرگىزۋى قاجەت. قالا تۇرعىندارىنىڭ قاۋىپسىزدىگى ءۇشىن ەڭ الدىمەن، يرريگاتسيالىق جۇيەلەردى تازالاۋ جۇمىستارى قارقىندى جۇرگىزىلۋى ءتيىس. تەحنيكالاردىڭ دايىندىعىن قاداعالاۋ، ءتيىستى شارالاردى شۇعىل جۇزەگە اسىرۋ - باستى نازاردا»، دەدى قالا اكىمى.
وسكەمەندە كاماز تىركەمەسى جاياۋ جۇرگىنشىنى قاعىپ كەتتى
ايماقتار • كەشە
براتيسلاۆادا قازاقتىڭ كيىز ءۇيى تىگىلدى
الەم • كەشە
ۇقساس جاڭالىقتار
