نەسىبەنى ارتتىراتىن نەسيە

2019 جىلدان باستاپ وڭىردە قولعا الىنعان قاناتقاقتى جوبانىڭ جەمىستى بولعانىن ۇكىمەت وڭ باعالاپ، ەندى بۇل تاجىريبەنى قازاقستاننىڭ ءار قيىرىندا ىسكە اسىرۋعا باسىمدىق بەرىپ وتىر. تيىسىنشە، شارۋالار جۇمىستارىن «اۋىل اماناتى» جوباسىندا جۇزەگە اسىرماق. بۇل، ارينە، قۋانىشتى جاڭالىق.

بيىل شارۋالاردى جەڭىلدەتىلگەن نەسيەمەن قامتۋ جۇمىستارى جامبىل وبلىسىندا بەل­سەندى جۇرگىزىلمەك. شارۋالاردىڭ ءتيىستى دەڭ­­گەيدە قاراجاتپەن قامتىلۋىنا «تاراز» الەۋ­­مەتتىك-كاسىپكەرلىك كورپوراتسياسى ايرىقشا نازار اۋدارىپ وتىر. جۇمىسىن جۇرگىزۋگە نيەت­تى ازاماتتاردى نەسيەمەن قامتۋ ءۇشىن 52،4 ملرد قارجى قاراستىرىلعان.

«2022 جىلدىڭ جەلتوقسانىنان باستاپ رەسپۋبليكالىق بيۋدجەتتەن «اۋىل حالقىنىڭ تابىسىن ارتتىرۋ» جونىندەگى جوبانى ماسشتابتاۋ ءۇشىن ميكروكرەديتتەر بەرۋ» باعدارلاماسى شەڭبەرىندە 6 047 516 000 تەڭگە بولىنگەن. ماسەلەن، جامبىل وبلىسىنىڭ 10 اۋدانىنا قاراستى 10 اۋىلدىق وكرۋگتەن جەڭىلدەتىلگەن نەسيەدەن ۇمىتتىلەر ىرىكتەلدى. ولار – جالعىزتوبە، قارا­كەمەر، جەتىتوبە، كەنەن، اقەرمەن، بي­نازار، بىرلىكۇستەم، اباي، جايىلما، ويىق اۋىل­دارىنىڭ تۇرعىندارى. بۇگىندە ازامات­تار­دىڭ وتىنىشتەرى قاراستىرىلىپ جاتىر. قازىرگى ۋا­قىتتا 200-دەن اسا ادام قارىز الۋ تۋرالى شارتقا قول قويدى»، دەيدى «تاراز» اكك» اق باسقارما توراعاسى داۋلەت ابىلقايىروۆ.

جالپى، اۋىل حالقىنىڭ تۇرمىستىق الە­ۋەتىن ارتتىرۋ ماقساتىندا ىسكە اسىپ جاتقان جوبا اياسىندا اتقارىلىپ جاتقان جۇمىستارعا «تاراز» اكك» ۇلكەن ۇلەس قوسىپ كەلەدى. ناق­تىراق ايتار بولساق، «تاراز» الەۋمەتتىك-كاسىپكەرلىك كورپوراتسياسى» 2021-2022 جىلدارى 3 اۋدانداعى 253 ءوتىنىمدى 1،096 ملرد تەڭگەگە قايتا قارجىلاندىردى. بۇل قايتارىلعان اقشا ەسەبىنەن مۇمكىن بولدى.

كورپوراتسيانىڭ ءتيىمدى شارتتارىن ۇتىمدى پايدالانۋ ارقىلى جىلقى ءوسىرۋ ءۇشىن بايزاق اۋدانىنا قاراستى جالعىزتوبە اۋىلدىق وكرۋ­گىنىڭ تۇرعىنى قايرات اسانباەۆ تا ءتيىستى قاراجاتتى راسىمدەپ، مال شارۋاشىلىعىن وركەن­دەتۋگە نيەت ءبىلدىرىپ وتىر. «قازىرگى تاڭدا ءتيىستى نەسيەنى راسىمدەپ جاتىرمىن. مەن ءتورت ت ۇلىكتىڭ تورەسى سانالاتىن جىلقى مالىن ءوسىرۋ ءۇشىن 7،5 ملن تەڭگە الۋعا نيەتتىمىن. پايىزدىق مولشەرلەمە تومەن. جەڭىلدەتىلگەن نەسيەلەۋ شارتتارى ءتيىمدى دەپ سانايمىن. سوندىقتان تاۋەكەلگە بەل بۋىپ وتىرمىن»، دەيدى ول ويىمەن ءبولىسىپ.

كورپوراتسيا باسشىلارىنىڭ ايتۋىنشا، تۇرعىندارعا اۋىل شارۋاشىلىعى باعىتىنداعى جەڭىلدەتىلگەن نەسيە بەرۋ جۇمىستارى 2023 جىلدىڭ ناۋرىز ايىنا دەيىن جالعاسىن تابادى. شارۋاعا بەيىم تۇرعىندار مەجەلى مەرزىمگە دەيىن نەسيەسىن راسىمدەپ، جۇمىسىن باستاپ كەتۋى كەرەك.

د.ابىلقايىروۆتىڭ ايتۋىنشا، جوبا اياسىندا نەسيە الۋشىلارعا قويىلاتىن تالاپتار قيىندىق تۋدىرمايدى. بيزنەس جوسپار جەكە بيزنەسىن اشۋعا نيەتتى الەۋەتتى قارىز الۋشىدان عانا تالاپ ەتىلسە، مال شارۋاشىلىعىن دامىت­قىسى كەلەتىن قارىز الۋشى ءۇشىن بيزنەس جوسپار ازىرلەۋدىڭ قاجەتى جوق.

«جەڭىلدەتىلگەن نەسيەنى الۋعا نيەت بىلدىرۋ­شىلەردىڭ قاراسى قالىڭ ەكەنى راس. ايتكەن­مەن ءبىز ءبىرىنشى كەزەكتە جۇمىسى جوق ازاماتتارعا با­­سىمدىق بەرەمىز»، دەيدى د.ابىلقايىروۆ جاع­دايدى ءتۇسىندىرىپ.

ءۇش جىلدىڭ بەدەرىندە ايتارلىقتاي ناتيجە بەرگەن جوبانىڭ جامبىلدا ودان ءارى قا­راي جالعاساتىنى تۇرعىنداردى قۋانتىپ وتىر. اۋىلداعى اعايىن وسىلايشا مال شارۋا­شى­لى­عىن وركەندەتىپ، تىرلىكتىڭ ءوزىن، كاسىپتىڭ كوزىن تابۋعا نيەتتى. قىسقاسى، تۇرعىن­دار­دىڭ تا­بىسىن ارتتىرۋعا باعىتتالعان جوبا­نىڭ شاراپاتىن كورگەن اۋىل حالقىنىڭ قۋا­نىشىندا شەك جوق.

جامبىل وبلىسى