سولتۇستىك قازاقستان وبلىسىنا «اڭساعان ءسابي» مەملەكەتتىك باعدارلاماسى بويىنشا 190 كۆوتا ءبولىندى، دەپ حابارلايدى Egemen.kz.
وبلىستىق پەريناتالدىق ورتالىقتىڭ مالىمەتىنشە، قازىردىڭ وزىندە بولاشاق اتا-انالارعا ساۋالناما جۇرگىزىلىپ، قۇجاتتارىن جيناقتاۋ جۇمىستارى ءجۇرىپ جاتىر. قابىلداۋدى باعدارلاما ۇيلەستىرۋشىسى، تاجىريبەسى مول رەپرودۋكتولوگ ۆيكتور پروتسەنكو جۇرگىزەدى.
- «اڭساعان ءسابي» بويىنشا وبلىستىق پەريناتالدىق ورتالىق ءۇشىنشى جىل جۇمىس ىستەپ تۇر. سوڭعى ءبىر جىلدا ەكستراكورپورالدى ۇرىقتاندىرۋ باعدارلاماسى اياسىندا 125 نارەستە دۇنيەگە كەلدى، ونىڭ 16-سى - ەگىز. قازىرگى ۋاقىتتا بەدەۋلىك ماسەلەسى وتە وتكىر. وبلىسىمىزدا رەپرودۋكتيۆتى قىزمەتى بۇزىلعان 700-دەن استام ەرلى-زايىپتىلار ەسەپتە تۇر»، - دەلىنگەن وبلىستىق پەريناتالدىق ورتالىقتىڭ ءباسپاسوز قىزمەتى تاراتقان حابارلامادا.
كەشە عانا دەنساۋلىق ساقتاۋ ءمينيسترى اجار عينيات وتكەن جىلى ەكستراكورپورالدى ۇرىقتاندىرۋ ءادىسىنىڭ ارقاسىندا ەلىمىزدە 1،5 مىڭنان استام ءسابي دۇنيەگە كەلگەنىن ايتتى. بيىل «اڭساعان ءسابي» باعدارلاماسى بويىنشا 7 مىڭ كۆوتا بولىنەدى.
قازاقستاننىڭ بىرنەشە ايماعىندا جەر سىلكىندى
توتەنشە جاعداي • بۇگىن، 00:57
كەرولاين سەۆيدج: قازاق مادەنيەتىنە قىزىعامىن
سۇحبات • كەشە
ايماقتار • كەشە
مەرەكە • كەشە
جەردىڭ توڭى جىبىگەندە، ەلدىڭ ءوڭىن جىلىتتىق...
ءۇمىت • كەشە
بەس بالانى باۋىرىنا باسقان انا
وتباسى • كەشە
ۇقساس جاڭالىقتار
