القالى باسقوسۋعا وبلىستىق قحا جانىنداعى اقساقالدار, انالار كەڭەستەرى مەن جەتەكشى جۋرناليستەر كلۋبى, كاسىپكەرلەر قاۋىمداستىعى, ەتنومادەني بىرلەستىكتەردىڭ توراعالارى قاتىستى.
جيىن بارىسىندا سپيكەرلەر ءوزارا پىكىر الماسىپ, ەتنوسارالىق قاتىناستار سالاسى بويىنشا ۇتىمدى ۇسىنىستارىمەن ءبولىستى.
«اتالعان جوبانىڭ ماقساتى – وڭىردەگى ەتنوسارالىق قاتىناستاردى دامىتۋ, ىشكى تۇراقتىلىقتى نىعايتۋ, ۇلتتار اراسىنداعى مادەني, رۋحاني جانە وزگە دە باعىتتار بويىنشا ءوزارا ىنتىماقتاستىعىنىڭ ارتۋىنا ۇلەس قوسۋ. بۇدان بولەك, جاڭا قازاقستاندىق ءپاتريوتيزمدى ىلگەرىلەتۋ, مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋعا ىقپال ەتۋ جانە وڭىردەگى ساراپشىلار پۋلىن قالىپتاستىرۋ دا كلۋب قىزمەتىنىڭ باستى مىندەتتەرىنىڭ ءبىرى», دەپ اتاپ ءوتتى الماتى وبلىسى ەتنوسارالىق قاتىناستاردى دامىتۋ ءبولىمى قازاقستان حالقى اسسامبلەياسى حاتشىلىعىنىڭ باسشىسى جاندار اسان.
قوعامدىق ديالوگ – ءوزارا سەنىم مەن تۇسىنىستىكتىڭ نەگىزگى وزەگى, باستى تۇتقاسى ەكەندىگى بەلگىلى. بۇل تۇرعىدا ارنايى ساراپشىلار مەن قوعام بەلسەندىلەرىنىڭ پىكىرى ەرەكشە ماڭىزعا يە جانە وزەكتى بولىپ تابىلادى.
«قوعامدىق كەلىسىم» مەكەمەسىنىڭ جانىنان قۇرىلعان كلۋبتا بەلگىلى قوعام بەلسەندىلەرى, ساراپشىلار مەن ەتنومادەني ۇيىمداردىڭ توراعالارى باس قوسىپ, بەلگىلى ءبىر تاقىرىپ اياسىندا ورنىقتى ويلارىمەن بولىسپەك.
ناتيجەسىندە ساۋاتتى تالدامالىق ۇسىنىستار دايارلانىپ, ارنايى قارار قابىلدانادى.
الماتى وبلىستىق قازاقستان حالقى اسسامبلەياسى جانىنداعى ينستيتۋتتاردىڭ جۇمىسىن جانداندىرۋدى كوزدەيتىن ساراپشىلار الاڭىنىڭ وتىرىسى ونلاين جانە وففلاين فورماتتاردا اي سايىن وتكىزىلەدى.
تالقىلاۋلار ونلاين رەجيمدە الەۋمەتتىك جەلىلەر ارقىلى تىكەلەي ەفيردە دە تاراتىلادى. وسى ارقىلى كورەرمەندەر ءوز سۇراقتارى مەن پىكىر-ۇسىنىستارىن بىلدىرۋگە مۇمكىندىك الماق.
قوعامدىق الاڭ قىزمەتىنىڭ ماڭىزدى باعىتى – ايماقتا بىرلىك پەن كەلىسىم قۇندىلىقتارىن دارىپتەيتىن باياندى باستامالاردى ىسكە اسىرۋعا ۇيىتقى بولۋ.
