قىزىلوردا وبلىسى ارال اۋدانىنا جاڭا اكىم بەكىتىلدى

استانا. 16 ماۋسىم. قىزىلوردا وبلىسى اكىمى قىرىمبەك كوشەرباەۆتىڭ وكىمىمەن  ابزال مۇحيموۆ ارال اۋدانىنىڭ اكىمى قىزمەتىنە تاعايىندالدى. بۇل تۋرالى «قازاقپارات» حابارلادى. ابزال سانسىزباي ۇلى مۇحيموۆ قورقىت اتا اتىنداعى قىزىلوردا مەملەكەتتىك ۋنيۆەرسيتەتىن فيلولوگيا جانە ەكونوميست-مەنەدجەر ماماندىقتارى بويىنشا بىتىرگەن. ەڭبەك جولىن 1994 جىلى قالالىق, وبلىستىق تەلەارنالاردىڭ ءتىلشىسى رەتىندە باستاعان ابزال مۇحيموۆ 2001-2005 جىلدارى «وبلىس اكىمى جانىنداعى جاستاردى قولداۋ وبلىستىق ورتالىعى» مەملەكەتتىك كاسىپورنىنىڭ ديرەكتورى, سىرداريا اۋدانىنىڭ ن. ءىلياسوۆ اتىنداعى اۋىلدىق وكرۋگىنىڭ اكىمى, سىرداريا اۋداندىق مادەنيەت ءبولىمىنىڭ باستىعى, 2005-2010 جىلدارى قىزىلوردا وبلىسى اكىمىنىڭ اپپاراتىندا باس مامان, مەملەكەتتىك قىزمەت ىستەرى اگەنتتىگىنىڭ قىزىلوردا وبلىسى بويىنشا باسقارماسى باستىعىنىڭ ورىنباسارى, قىزىلوردا قالاسى اكىمىنىڭ ورىنباسارى, 2010-2013 جىلدارى يندۋستريا جانە جاڭا تەحنولوگيالار مينيسترلىگىندە جانە ەكونوميكالىق دامۋ جانە ساۋدا مينيسترلىگىندە دەپارتامەنت ديرەكتورى, پرەمەر-ءمينيسترى كەڭسەسىنىڭ ۇيىمداستىرۋ جۇمىسى جانە ايماقتىق دامۋ ءبولىمىنىڭ باس ينسپەكتورى, قىزىلوردا وبلىسىنىڭ ءبىلىم باسقارماسىنىڭ باسشىسى قىزمەتتەرىن اتقارعان. 2013 جىلدان وسى تاعايىنداۋعا دەيىن «نۇر وتان» پارتياسىنىڭ قىزىلوردا وبلىستىق فيليالى توراعاسىنىڭ ورىنباسارى قىزمەتىن اتقارىپ كەلدى. جولدىباي بازار. دەرەككوز: «قازاقپارات». فوتو: «قازاقپارات».