گازبەن تولىق قامتىلعان اۋدان

اۋدانداعى 30 ەلدى مەكەن­نىڭ 13-ءى ازىرگە اۋىزسۋمەن قامتىل­ماعان. الايدا بۇگىندە ءوڭىر باسشىسى نۇرجان نۇرجىگىتوۆتىڭ تاپسىرماسى اياسىندا جەرگىلىكتى حالىقتى تازا سۋمەن قامتاماسىز ەتۋ ماقساتىندا اۋقىمدى جۇمىس­تار قولعا الىنعان.

«ەلدى مەكەندەردى اۋىزسۋ­مەن قامتۋ بويىنشا 2021-2025 جىل­د­ارعا ارنالعان جوس­پار­­عا سايكەس بۇگىنگە دەيىن اۋدان اۋماعىنداعى 13 ەلدى مەكەن اۋىز­­­­­سۋمەن قامتىلماعان. ور­تا­­­لىق­تاندىرىلعان اۋىزسۋمەن قام­تىلماعان 8 ەلدى مەكەنگە (اق­قيا، سارىباراق، اقتوبە، بوتا­موي­ناق، قوساق، جەڭىس، جىبەك جولى، تەگىستىك) اۋىزسۋ جۇيە­سىن جۇرگىزۋگە جوبالىق-سمەتا­لىق قۇجاتتاما ازىرلەنىپ، ساراپ­تامانىڭ وڭ قورىتىندىسى الىن­دى. ماسەلەنى جەدەل شەشكەن ابزال. سوندىقتان قۇرىلىس جۇمىس­تارىن جۇرگىزۋگە قارجى قاراس­تىرۋ ماقساتىندا وبلىس اكىم­دىگىنىڭ ەنەرگەتيكا جانە تۇر­عىن ءۇي-كوممۋنالدىق شارۋا­شىلىق باسقارماسىنا بارلىعى 2 644 950 تەڭگەنى قۇرايتىن بيۋدجەتتىك ءوتىنىم جولداندى. رەسپۋبليكالىق جانە وبلىستىق بيۋدجەتتەردەن ءتيىستى قاراجاتتار ءبولىنىپ، مەملەكەتتىك ساتىپ الۋ كونكۋرسى جاريالانىپ، مەردى­گەرلەر انىقتالدى. قازىرگى تاڭدا جوعارىدا اتالعان 8 ەلدى مەكەندە قۇرىلىس جۇمىستارى جۇرگىزىلۋدە»، دەيدى بايزاق اۋدانى اكىمىنىڭ ورىنباسارى تالعات جامالوۆ جاعدايدى ءتۇسىندىرىپ.

ونىڭ ايتۋىنشا، اۋدان اۋماعىنداعى تورتكۇل، قاينار جانە جاڭاساز اۋىلدارى حالىق سانى از اۋىلداردىڭ ساناتىنا جاتادى. ماسەلەن، قاينار اۋىلىندا 128 ادام قونىستانسا، تورتكۇلدە 290، جاڭاسازدا 278 ادام تۇرادى.

«حالىق سانى از اۋىلداردا اۋىزسۋدى تازارتۋدىڭ كەشەندى بلوك-مودۋلدەرىن ورناتۋ جوسپار­لا­نىپ وتىر. ال تورەگەلدى اۋىلىن جىبەك جولى اۋىلىمەن بىرگە اۋىزسۋمەن قامتۋ باعىتىندا جو­با­لىق-سمەتالىق قۇجاتتاما ازىر­لەنىپ، ساراپ­تامانىڭ وڭ قورىتىندىسى الىن­دى. جامبىل وبلىسىن­داعى اۋىل­دىق ەلدى مەكەندەردى اۋىزسۋ­مەن قامتۋ بويىنشا 2022-2025 جىل­دارعا ارنالعان جول كارتاسى­نا سايكەس، شاحان اۋىلىن سارى­باراق اۋىلى ارقىلى ورتالىقتان­دىرىل­عان اۋىزسۋمەن قامتۋ جوسپارلانىپ وتىر»، دەيدى اۋدان وكىلى.

بايزاقتا اۋداندىق ماڭىزى بار جولدىڭ جالپى ۇزىندىعى 132،07 شاقىرىمدى قۇرايدى. جەرگىلىكتى جۇرتشىلىق نەگىزىنەن سارىكەمەر – مىرزاتاي، جىبەك جولى – جاقاش – كوكوزەك جانە شاحان اۋىلىنا كىرەبەرىستەگى جول­دىڭ جاعدايى جاقسارعانىن قالاي­تىنىن ايتىپ، ءجيى قايىرىلادى.

اۋدانداعى ەلدى مەكەن كوشە­لەرىنىڭ جالپى ۇزىندىعى 421،1 شاقىرىمدى قۇراسا، ونىڭ 175،6 شاقىرىمى جاقسى، 115،2 شاقىرىمى قاناعاتتانارلىق جانە 130،5 شاقىرىمى قاناعات­تانارلىقسىز جاعدايدا. الداعى ۋاقىتتا اۋداندىق ماڭىزى بار جولدىڭ 96 پايىزىن جانە ەلدى مەكەن كوشەلەرىنىڭ 92،3 پايىزىن جاقسارتۋ باعىتىندا جۇمىستار قولعا الىنباق.

«اۋىل – ەل بەسىگى» باعدارلا­ماسى بويىنشا رەسپۋبليكالىق بيۋدجەتتەن 959 ملن 278 مىڭ تەڭگە جانە اۋداندىق بيۋدجەتتەن 111 ملن 853 مىڭ تەڭگە قاراستىرىلىپ، جالپى 56 شاقىرىمدى قۇرايتىن 53 كوشەگە ورتا جوندەۋ جۇمىس­تارى جۇرگىزىلۋدە. سونداي-اق 2023 جىلى 17 اۋداندىق ماڭى­زى بار اۆتوجولدارعا، جالپى 2385 م² جولعا اعىمداعى جون­دەۋ جۇمىستارىن جۇرگىزۋ قولعا الىنباق. سونىمەن قاتار اۋداندىق ماڭىزى بار جولدارعا 33 جول بەلگىسىن ورناتۋ جوسپارلانعان.

ءبىر قۋانتارلىعى بۇعان دەيىن اۋدانداعى 43 ەلدى مەكەننىڭ 42-ءسى كوگىلدىر وتىنمەن قامتىلعانىن بىلەتىنبىز. جۋىردا عانا اۋدان تۇرعىندارى تولىقتاي گازبەن قامتىلدى دەگەن حاباردى ەستىدىك.

«2021 جىلدىڭ قورىتىندى ەسەبىندە ەلدى مەكەن تۇرعىندارىن كوگىلدىر وتىنمەن قامتاماسىز ەتۋ بويىنشا 99 پايىز كورسەتكىشكە قول جەتكىزىلگەن ەدى. تورتكول اۋىلى كوشەلەرىنە گاز جۇيەسىن جۇرگىزۋ جۇمىستارىنا وبلىستىق بيۋد­جەتتەن 57538،0 مىڭ تەڭگە قارا­جات قاراستىرىلىپ، وتكەن جىل­دىڭ جەلتوقسان ايىندا اتالعان جۇمىستار تولىقتاي اياقتالدى. 2022 جىلدىڭ قورىتىندى ەسەبىن­دە ەلدى مەكەن تۇرعىندارىن كوگىلدىر وتىنمەن قامتاماسىز ەتۋ بويىنشا 100 پايىز كورسەتكىشكە قول جەتكىزىلدى»، دەيدى ت. جامالوۆ.

دەرەكتەرگە سەنسەك، اۋدان اۋماعىنداعى ەلدى مەكەن كوشە­لەرىن جارىقتاندىرۋ باعى­تىن­دا دا ايتارلىقتاي جۇمىستار اتقا­رىلىپ جاتىر. ەڭ باستىسى جەرگىلىكتى حالىق تولىقتاي تابيعي گازبەن قامتىلىپ وتىر. قالعان ماسەلەلەر الداعى ۋاقىتتا رەتىمەن شەشىمىن تاپپاق.

جامبىل وبلىسى،

بايزاق اۋدانى