اقپاراتتىق جۇيەدەگى ايماق

وبلىستىق ساۋلەت جانە قالا قۇرى­­لىسى باسقارماسىنىڭ باسشىسى ايت­قازى قارابالاەۆتىڭ ايتۋىن­شا، جۇيەنى ەنگىزۋدەگى باستى ماقسات – قولدا بار كارتوگ­رافيالىق دەرەكتەردى ەنگىزۋ ارقىلى ساۋلەت جانە قالا قۇرىلىسى، جەر قاتىناستارى سالاسىنداعى مەم­لەكەتتىك قىزمەتتى اۆتوماتتاندىرۋ. ءبىرىنشى كەزەكتە وبلىس ورتالىعى اۋما­عىنداعى جەر ۋچاسكەلەرىنىڭ شەكا­رالارىن سايكەستەندىرۋ ءۇشىن اەروفو­توتۇسىرىلىم جۇمىستارى جۇر­گىزىلگەن.

– وبلىس جانە تاراز قالاسى تۇرعىن­دارى ءۇشىن گەوپورتالدىڭ اشىق كارتاسى جاسالىپ، ونىڭ 160-تان استام ەلەكتروندى كەزەكشى كارتاسى قىزمەت بابىندا پايدالانۋ ءۇشىن ازىرلەندى. گەوپورتالعا ارنالعان بىرىڭعاي تالاپقا ساي 367 كارتوگرافيالىق دەرەك ەنگىزىلدى. بۇل باعىتتاعى جۇمىستار ءوز ناتيجەسىن بەرىپ وتىر. مەملەكەتتىك قىزمەتتەردى تسيفرلاندىرۋ ءۇشىن ساۋلەت جانە قالا قۇرىلىسى سالاسىنىڭ 6 قىزمەتى، جەر قاتىناستارى سالاسىنىڭ 8 قىزمەتى اۆتوماتتاندىرىلعان بولاتىن. قازىرگى تاڭدا وبلىس اكىمدىگىنىڭ تسيفرلىق تەحنولوگيالار باسقارماسىنا قاراستى وڭىرلىك گەواقپاراتتىق جۇيەسى ورتالىعى تاراپىنان بىرقاتار اۆتوماتتاندىرىلعان مەملەكەتتىك قىزمەتتى ىسكە قوسۋ جۇمىس­تارى جۇر­گىزىلىپ جاتىر. بۇل جۇمىس­تىڭ دا ءبىز ءۇشىن ماڭىزى زور بولىپ تۇر، – دەيدى ا.قارابالاەۆ.

باسقارما باسشىسىنىڭ ايتۋىنشا، الداعى ۋاقىتتا وبلىس اكىمدىگىنە قاراستى بارلىق 14 باسقارمادا 24 اۆتو­ماتتاندىرىلعان قىزمەت ەنگىزىلىپ، ءتيىستى دەرەكتەرمەن تولىقتىرىلادى. ودان باسقا دا اتقارىلاتىن جۇمىستار­دىڭ اۋقىمى كەڭ.

ا.قارابالاەۆتىڭ پىكىرىنشە، وڭىر­دەگى گەواقپاراتتىق جۇيەنى تولىققاندى ىسكە قوسۋدىڭ ماڭىزى ايرىقشا. ول ءۇشىن قاجەتتى دەرەكتەرمەن تولىقتىرۋ جۇمىستارى جۇيەلى تۇردە جۇزەگە اسىرىلۋى كەرەك. جۇيە جۇمىسى تولىق قامتىلۋى ءۇشىن مۇلدە ۋاقىت جوعالتۋعا بولمايتىن كورىنەدى.

– 2023 جىلى وبلىستىڭ وڭىرلىك گەواقپاراتتىق جۇيەسىن تولىق كولەمدە ءارى ماقساتقا ساي ىسكە قوسۋ جانە قاجەتتى دەرەكتەرمەن تولىقتىرۋ ءۇشىن ەكى وزەكتى ماسەلەنى رەتكە كەلتىرۋگە باسىمدىق بەرەتىن بولامىز. ناقتىراق ايتار بولسام، وڭىردەگى 359 ەلدى مەكەننىڭ باس جوس­پارى تسيفرلاندىرىلىپ، گەواقپاراتتىق جۇيەگە ەنگىزىلەدى. جال­پى، باس جوسپار جوباسىن تسيفر­لاندىرۋ ارقىلى قىزىل سىزىقتاعى، فۋنكتسيونالدىق جانە قورعاۋ ايماق­تارى، ءاربىر جەر ۋچاسكەلەرىنىڭ نىسانالى ماقساتى، كوشە جولى جەلىسى، بوس جەر ۋچاسكەلەرى جانە وزگە ماسەلەلەر رەتتەلىپ، قالا قۇرىلىسى دەرەكتەرى ەنگىزىلەدى.

بۇدان بولەك، اۋدان ورتالىقتارىنا 1:500 ماسشتابتاعى اەروفوتوتۇسىرىلىم جۇمىستارىن جۇرگىزۋگە دەن قويماقپىز. ونداعى ماقسات – بوس جەر تەلىمدەرىن انىقتاۋ بارىسىندا تاڭدالعان جەر ۋچاسكەسىنىڭ قولدانىستاعى جەر تەلىمى­نىڭ شەكاراسىنا كىرمەي ءدال كونفيگۋراتسيادا بولۋىن قامتاماسىز ەتۋ، باس جوسپار مەن ەگجەي-تەگجەيلى جوسپارلاۋ جوبالارىن ءدال ماسشتابپەن بايلانىستىرۋ. ناتيجەسىندە، گەوپورتال اقپاراتتىق جۇيەسىنە وبلىس بويىنشا ەلدى مەكەندەر شەگىندەگى بوس جەر ۋچاسكەلەرىن جاريالاۋعا مۇمكىندىك تۋادى، – دەيدى ا.قارابالاەۆ.

جامبىل وبلىسى