اقتوبە وبلىسىندا الاياقتار ايىلىن جيار ەمەس

اقتوبە. 16 ماۋسىم. اقتوبە وبلىسىندا الاياقتار تۇرعىنداردىڭ جالپى كولەمى 8 ملن. تەڭگەسىن «ولجالاپ» كەتكەن. بۇل تۋرالى egemen.kz ءتىلشىسى حابارلادى. 2014 جىلدىڭ 12 ماۋسىمىندا 54 جاستاعى قالا تۇرعىنى ءوزىنىڭ سەنىمىنە كىرىپ, سوڭىندا «جاڭا ءۇي» باعدارلاماسى بويىنشا پاتەر الۋعا كومەكتەسەمىن دەپ 8 مىڭ اقش دوللارىن يەمدەنىپ كەتكەن ءبىر ادامنىڭ ۇستىنەن قۇقىق قورعاۋ ورنىنا شاعىمدانعان. اتالعان دەرەك بويىنشا ۋچاسكەلىك پوليتسيا  ينسپەكتورلارىمەن وسىعان ۇقساس قىلمىستارى ءۇشىن بۇرىن سوتتى بولعان 62-جاستاعى قالا تۇرعىنى ۇستالدى. تەرگەۋ بارىسىندا ۇستالعان ايەل ءوز كىناسىن مويىندادى. سول كۇنى ءتيىستى ورىنعا الاياقتاردىڭ قۇربانى بولعان تاعى ءبىر جابىرلەنۋشى شاعىم تۇسىرەدى. ول 2010 جىلدىڭ قىركۇيەك ايىندا ءبىر ادام وزىنە پاتەر الۋعا كومەك بەرەمىن دەپ 6 ملن. 836 مىڭ تەڭگەسىن الىپ كەتكەنىن ايتقان. قازىر كۇدىكتىلەرگە قاتىستى قىلمىستىق كودەكستىڭ 177-بابى بويىنشا ءىس قوزعالدى. بۇل ازىرگە بەلگىلى بولعاندارى عانا. ساتىبالدى ءساۋىرباي. دەرەككوز: egemen.kz. فوتو: simplehomebusinessystem.com.