تالاي جىلدان بەرى قۋىرشاق ويناپ، بالدىرعانداردى قۋانتىپ جۇرگەن الماتى مەملەكەتتىك قۋىرشاق تەاترى جاس جەتكىنشەكتەرگە حالىق ەرتەگىسىنىڭ جەلىسىمەن ساحنالانعان «ۇر، توقپاق!» قويىلىمىنىڭ پرەمەراسىن ۇسىندى.

جاقسىلىق پەن جاماندىقتىڭ، ادالدىق پەن ارامدىقتىڭ اراجىگىن ايقىندايتىن بۇل سپەكتاكلدە اڭعال دا سەنگىش، اقكوڭىل دە مەيىرىمدى اقساقال قوشاقانىن ىزدەپ ءجۇرىپ، تۇزاققا تۇسكەن قازدى قۇتقارىپ قالاتىنىن ءبارىمىز جاتقا بىلەمىز. قاراپايىم قازدى ەمەس، تاڭعاجايىپ دانىشپان قازبايدى قۇتقارعان اقساقال مەن كەمپىرىنىڭ ومىرىنە سول ساتتەن باستاپ ۇلكەن وزگەرىس ەنەدى. قازباي قارياعا العىس ايتىپ، ء«پىس قازان»، «قۇس ەسەك» پەن «ۇر، توقپاق» اتتى ەرەكشە سيقىرلى سىيلىقتار ۇسىنعانىمەن، جەزتىرناقتار ءتۇرلى ادام كەيپىنە ەنىپ، سىيلىقتارىن تارتىپ الۋعا تالپىنادى. دەگەنمەن ادىلدىك جەڭىپ، اقساقال ءوز ماقساتىنا جەتەدى.
ۇلتتىق داستۇرمەن ۇتىمدى بەزەندىرىلىپ، اۋەزدى انمەن، كوڭىلدى بيمەن ارلەنگەن ەرتەگى – كىشكەنتاي كورەرمەندەرگە قىزىقتى كوڭىل كۇي سىيلاپ قانا قويماي، بالا ساناسىنىڭ دامۋى مەن رۋحاني، ادامگەرشىلىك قاسيەتتەرىن بويىنا ءسىڭىرىپ، ءتىل العىشتىققا، تارتىپتىلىككە، شىنشىلدىق پەن ۇلكەنگە قۇرمەت كورسەتۋگە ۇندەيدى.
قويىلىمنىڭ ينستسەنيروۆكا اۆتورى – اقىن قاسىمحان بەگمانوۆ. سپەكتاكلدىڭ سۋرەتشىسى – التىناي ءجۇسىپالى. قويىلىمدى مۋزىكامەن كوركەمدەگەندەر – باقبەرگەن بايشىعاش پەن ارشىن جولداسحان. تۋىندىنى رەجيسسەر ەركەبۇلان قابدىل ساحنالاعان. ايتا كەتەيىك، ول بۇعان دەيىن قازاقى سالت-ءداستۇر مەن باتىرلىقتى كورسەتەتىن «ەر توستىك»، جاسوسپىرىمدەرگە ارنالعان، قازاق ءۆالسىنىڭ كورولى ءشامشى قالداياقوۆتىڭ اندەر توپتاماسىنان ساحنالانعان ء«ومىر-وزەن»، جولدا ءجۇرۋ ەرەجەسى مەن دوستىقتى دارىپتەيتىن «اۋىل ءيتى اقباي» اتتى كورەرمەن سۇرانىسىنا يە شىعارمالاردى قويعان.
الماتىدا 105 مىڭ تۇرعىن كولىك سالىعىن تولەمەگەن
قوعام • بۇگىن، 13:10
ءاليحان سمايىلوۆ الدا اتقاراتىن جۇمىستار جايىندا ايتتى
ۇكىمەت • بۇگىن، 12:55
تۇركىستاندا جوعالعان قىزدىڭ ءمايىتى تابىلدى
وقيعا • بۇگىن، 12:43
«قازفەرروستال» جشس باسشىسى 10 جىلعا سوتتالدى
قوعام • بۇگىن، 12:32
قازاقستاندا 3D پرينتەرلەر ءوندىرىسى ىسكە قوسىلادى
عىلىم • بۇگىن، 12:27
اقتوبەدە جاڭادان سالىنعان SMART-CENTRE عيماراتىندا ساعي جيەنباەۆتىڭ پورترەتى سالىنادى
مادەنيەت • بۇگىن، 12:12
ۇقساس جاڭالىقتار