اۋەزوۆ اۋدانىنىڭ تۇرعىندارىمەن كەزدەسۋ بارىسىندا جەرگىلىكتى تۇرعىنداردىڭ ءبىرى قالا تاريحىن ساقتاۋ جونىندەگى پىكىرىن ايتقان ەدى.
«سىزدەردەن قالا تاريحىن ساقتاپ قالۋلارىڭىزدى سۇرايمىن. ەگەر قالادا ءۇي نەمەسە تاعى باسقا عيماراتتار تۇرعىزۋعا رۇقسات بەرىلسە, كەم دەگەندە قالانىڭ ورتالىعىنا تيىسپەڭىزدەر, سەبەبى بۇل ءبىزدىڭ تاريحىمىز, الماتى تۇرعىنى رەتىندە بۇل مەن ءۇشىن وتە ماڭىزدى ماسەلە», دەدى جەرگىلىكتى تۇرعىن.
دوساەۆتىڭ ايتۋىنشا, وتكەن جىلى جاڭا نورمالار قارالىپ, 2018 جىلدان باستاپ قالانى دامىتۋ جانە اباتتاندىرۋدى شەكتەيتىن نورمالار قابىلدانعان. وتكەن جىلدىڭ كۇزىنەن باستاپ اكىمدىككە ۇسىنىلعان جاڭا جوبالاردىڭ بارلىعى الماتى قالاسىنىڭ قالا قۇرىلىسى كەڭەسىندە قارالىپ كەلگەن.
ء«بىز قالانىڭ تاريحي كەلبەتىن بارىنشا ساقتاۋعا تىرىسامىز, بىراق مودەرنيزاتسيا مىندەتتى تۇردە بولادى, ويتكەنى تۇرعىندار وزگەلەر سياقتى وركەنيەتتىڭ بارلىق يگىلىگىن سەزىنگىسى كەلەدى. وكىنىشكە قاراي, پانەلدى ۇيلەردى جاڭارتۋ مۇمكىن ەمەس. بۇل ۇيلەر, ارينە, تاريح بولىپ سانالادى, بىراق ولاردى بۇزۋ كەرەك دەپ سانايمىن. ويتكەنى 25 جىلدان استام ۋاقىت بويى ءبىز وسكەن ىقشام اۋداندارداعى پانەلدى ۇيلەر كىشكەنە سوققىعا دا شىداي المايدى. قالا جاڭارادى, ونىڭ تاريحي كەلبەتىن دە ساقتايمىز, بىراق ينجەنەرلىك ينفراقۇرىلىمدى جاڭعىرتۋ جۇمىستارى تولىعىمەن جۇزەگە اسادى», دەدى دوساەۆ.
گۇلشاحرا سانسىزباي
