كەزدەسۋ بارىسىندا تاراپتار تۇركى الەمىندەگى عىلىم سالاسى بويىنشا ىنتىماقتاستىق ماسەلەلەرىن تالقىلادى. مينيستر ساياسات نۇربەك پەن شاھين مۇستافاەۆ تۇركى الەمى ۋنيۆەرسيتەتتەرىنىڭ بۇرىنعى وداعىنىڭ جۇمىسىن قايتا باستاۋ جانە جالعاستىرۋ مۇمكىندىگىن تالقىلادى.
اكادەميا باسشىسى باۋىرلاس ەلدەردىڭ عىلىمي ۇيىمدار اراسىنداعى ارىپتەستىك بايلانىستارىن ودان ءارى نىعايتۋدىڭ ماڭىزدىلىعىنا توقتالىپ, وسى ورايدا تۇركى الەمى ۇلتتىق عىلىم اكادەميالارى وداعىنىڭ الەۋەتى زور ەكەنىن اتاپ ءوتتى.
سونداي-اق ول گۋمانيتارلىق سالاداعى ورتاق جوبالارعا قازاقستاندىق عالىمداردىڭ بەلسەندى قاتىساتىنىنا سەنىم ءبىلدىردى. سونىمەن قاتار 2023 جىلى ناۋرىز ايىندا بىشكەك قالاسىندا تۇركى اكادەمياسىنا مۇشە مەملەكەتتەردىڭ ءبىلىم جانە عىلىم سالاسىنا جاۋاپتى مينيسترلەرىنىڭ قاتىسۋىمەن وتەتىن عىلىمي كەڭەستىڭ كەزەكتى وتىرىسىنىڭ كۇن ءتارتىبى پىسىقتالدى.
