«ەلىمىزدە «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» قاعيداتى ورنىعا ءتۇستى. بۇل رەفورمالار بيلىك ينستيتۋتتارى جۇيەسىنىڭ تەپە-تەڭدىگىن قالىپتاستىرادى. ەلدەگى ساياسي ۇدەرىسكە ازاماتتاردىڭ قاتىسۋىنا جول اشادى. سونداي-اق مەملەكەتتىك باسقارۋ جۇيەسىنىڭ تيىمدىلىگىن ارتتىرا تۇسەدى.
ءبىزدىڭ وسى باستامالارىمىزعا قوعام وكىلدەرى قولداۋ ءبىلدىردى. اۋقىمدى جاڭعىرتۋ جۇمىسىن جۇرگىزۋگە مۇمكىندىك تۋدى. سونىڭ ارقاسىندا بىرنەشە جىلدا ايتارلىقتاي ناتيجەگە قول جەتكىزدىك. بىراق ءبىز مۇنىمەن توقتاپ قالمايمىز. الدا ءالى اۋقىمدى جۇمىس بار», دەدى مەملەكەت باسشىسى.
