«اگرارلىق نەسيە كورپوراتسياسىنا» قارجىلاندىرۋدىڭ جالپى سوماسى 70 ملرد تەڭگەدەن ەكى ترانشپەن جىبەرىلەدى. ءبىرىنشى ترانش قازىر اۋدارىلدى, ەكىنشى ترانش اقپان ايىندا جىبەرىلەدى.
قارجىلاندىرۋ اوك سۋبەكتىلەرىنە تىكەلەي كرەديت بەرۋ ارقىلى, سونداي-اق كرەديتتىك سەرىكتەستىكتەردى, ەكىنشى دەڭگەيدەگى بانكتەردى جانە ميكروقارجى ۇيىمداردى قورلاندىرۋ ارقىلى جۇزەگە اسىرىلادى. اوك سۋبەكتىلەرى ءۇشىن سىياقى مولشەرلەمەسى:
- بانكتىك كەپىلدىكپەن تىكەلەي كرەديتتەۋ كەزىندە جىلدىق مولشەرلەمە 1,5% - دان اسپايدى;
- كرەديتتىك سەرىكتەستىكتەر, ميكروقارجى ۇيىمدارى, ەكىنشى دەڭگەيدەگى بانكتەر قارجىلاندىرعان كەزدە جىلدىق مولشەرلەمە 5%-دان اسپايدى.
2023 جىلى باعدارلامانىڭ شارتى بويىنشا كرەديتتەۋ مەرزىمى كەلەسى جىلدىڭ كوكتەمىنىڭ باسىنا دەيىن ۇزارتىلدى, ال بۇرىن كرەديتتەۋ مەرزىمى قارجىلاندىرۋ جىلىمەن شەكتەلىپ كەلگەن بولاتىن.
بيۋدجەتتىك قارجىلاندىرۋ ەسەبىنەن كەمىندە 2 ملن گا ەگىس القابىن قامتۋ جوسپارلانىپ وتىر.
