كەزدەسۋ بارىسىندا تاراپتار سولتۇستىك قازاقستان وبلىسى مەن ساحا رەسپۋبليكاسى اراسىنداعى ۇزاقمەرزىمدىك ءتيىمدى ىنتىماقتاستىقتى دامىتۋ جانە نىعايتۋ جولدارىن تالقىلادى. ايداربەك ساپاروۆ ەكىجاقتى ىنتىماقتاستىقتاردىڭ جەمىستى بولارىنا سەنىم بىلدىرە وتىرىپ, سولتۇستىك قازاقستان وبلىسىنا ساحا رەسپۋبليكاسىنىڭ ينۆەستورلارى كەلىپ, بىرلەسكەن جوبالاردى ىسكە اسىرۋعا ىقىلاستى ەكەنىن جەتكىزدى. سونىمەن بىرگە ايداربەك ساپاروۆ ايسەن نيكولاەۆتى ايماقتىڭ ەكونوميكالىق الەۋەتىمەن, ىسكە اسىرىلىپ جاتقان جوبالارمەن تانىستىرىپ, ساۋدا, اۋىلشارۋاشىلىعى جانە ونەركاسىپ سالالارى بويىنشا ەكىجاققا ءتيىمدى ۇسىنىستار جاسادى. ءوز كەزەگىندە ايسەن نيكولاەۆ ۇسىنىلعان پىكىرلەردى قولدايتىنىن جەتكىزە كەلىپ, ولاردىڭ ءوزارا ءتيىمدى ىنتىماقتاستىقتارعا باستارىنا سەنىم ءبىلدىردى.
