15 جاستاعى ەراسىل مەن 14 جاستاعى قاناتتىڭ باتىلدىعىنىڭ ارقاسىندا ورتتەن ەشكىم زارداپ شەككەن جوق.
مينيستر قاراعاندى قالاسىنداعى №12 مەكتەپتىڭ وقۋشىلارىنا ءورتتى ءسوندىرۋ كەزىندە قايسارلىق پەن باتىلدىق كورسەتكەندەرى ءۇشىن العىسىن ءبىلدىردى.
«سەندەرگە ادام ءومىرىن قۇتقارۋعا قادام باسقان ەرجۇرەك باتىرلىقتارىڭ ءۇشىن زور العىسىمدى بىلدىرەمىن. ءوز ومىرلەرىڭە قاۋىپ ءتونىپ تۇرسا دا, تاۋەكەلگە بەل بۋىپ, ناعىز ەرلىك جاساپ, ۇلكەن قايعىنىڭ الدىن الدىڭدار. مۇنداي ارەكەتكە بارۋدىڭ ءوزى ۇلكەن جۇرەكتىلىك پەن باتىلدىقتى, قايسارلىقتى تالاپ ەتەدى. جاساعان قادامدارىڭ رۋحى بەرىك, ناعىز باتىردىڭ ارەكەتى دەپ بىلەمىن.
سەندەر بولاشاقتا اتا-بابامىزدان ميراس بولىپ قالعان ەلىمىزدىڭ كەڭ دالاسىن, اسقار تاۋىن, سارقىراپ اققان كوك وزەنىن قورعايتىن, حالىقتىڭ ماقتانىشىنا اينالاتىن ناعىز پاتريوت ازامات بولىپ شىعاتىندارىڭا سەنىمىم مول. بولاشاقتارىڭ جارقىن بولسىن!», دەلىنگەن ءمينيستردىڭ العىس حاتىندا.
ەستەرىڭىزگە سالا كەتەيىك, اعايىندى ەراسىل مەن قانات سماعۇلوۆتار كورشىلەرىنىڭ كومەك سۇراعان ايقايىن ەستىپ, ءورت سوندىرۋشىلەردى شاقىرعان جانە ولار كەلگەنگە دەيىن ءورتتى وزدەرى سوندىرە باستاعان.
