سوڭعى ۋاقىتتا ورەلى ونەرىمەن كوزگە ءتۇسىپ, اتر رەيتينگىندە 144-ورىنعا دەيىن كوتەرىلگەن تيموفەي سكاتوۆ ءچيليدىڭ كونسەپسون قالاسىندا ۇيىمداستىرىلعان «چەللەندجەر» ساناتىنداعى دوداعا قاتىسۋدا. بيو-بيو وزەنىنىڭ جاعالاۋىندا جەرلەسىمىز ءوزىنىڭ تۇساۋكەسەر كەزدەسۋىن الەمنىڭ 166-راكەتكاسى, تايپەيلىك ۆۋن-لين-ۆۋمەن وتكىزىپ, وتە شيەلەنىستى ويىندا 7:5, 7:6 ەسەبىمەن جەڭىسكە جەتتى. ەكىنشى كەزەڭدە سكاتوۆ اتر تىزىمىندە 230-ورىندا تۇرعان كولۋمبيالىق نيكولاس مەحيمەن كۇش سىناسادى. ءدال وسى تۋرنيردە ميحايل كۋكۋشكين دە ونەر كورسەتۋدە. ول كەشە بوليۆيالىق ۋگو دەلليەنمەن كەزدەستى.
ال ءۇندىستاننىڭ پۋنا قالاسىندا ITF World Tennis Tour ءتۋرنيرىنىڭ تۇساۋى كەسىلدى. جۇلدە قورى 40 مىڭ دوللاردى قۇراعان جارىستا جىبەك قۇلامباەۆا مەن گوزال اينيتدينوۆا باق سىناۋدا. ەكى ارۋىمىز دا العاشقى اينالىمنان سۇرىنبەي ءوتتى.
