ونىڭ ايتۋىنشا, تۇلەكتەردىڭ 1 پايىزدان ازى وقۋ ورنىن بىتىرگەننەن كەيىنگى العاشقى ايدا جۇمىسقا ورنالاسسا, 39 پايىزى وقۋ ورنىن بىتىرگەننەن كەيىنگى العاشقى ءۇش ايدا جۇمىسقا ورنالاسادى. ال 58 پايىزى 3 ايدان 6 ايعا دەيىن, 2 پايىزى 6 ايدان استام جۇمىس ىزدەيدى. ءبىرىنشى جارتىجىلدىقتا تۇلەكتەردىڭ 98 پايىزى جۇمىسقا ورنالاسادى.
«سونىمەن قاتار ءبىز تۇلەكتەر وزدەرى وقىعان ماماندىقتارى بويىنشا جۇمىسقا ورنالاسا ما, جوق پا, سوعان تالداۋ جۇرگىزدىك. مەديتسينا سالاسىندا تۇلەكتەرىمىزدىڭ 68,9 پايىزى ءوز ماماندىعى بويىنشا جۇمىسقا ورنالاسادى. پەداگوگيكالىق باعىتتا شامامەن 60 پايىزى ءوز ماماندىعى بويىنشا جۇمىس ىستەيدى. بۇل ايتارلىقتاي جاقسى كورسەتكىش. ەڭ تومەنگى كورسەتكىش قۇرىلىس سالاسىندا – 30,6% جانە اسا تومەن كورسەتكىش اۋىل شارۋاشىلىعى سالاسىندا – 19,4%», دەپ قوستى سپيكەر وكق-دا وتكەن ءباسپاسوز ءماسليحاتى بارىسىندا.
بۇعان دەيىن حابارلانعانداي, 2021 جىلى جوو-نى بىتىرگەن 81,4 مىڭ تۇلەكتىڭ 79 پايىزى وقۋ ورنىن بىتىرگەننەن كەيىنگى ءبىرىنشى جىلى جۇمىسقا ورنالاسقان. ورتاشا جالاقى - 155 مىڭ 621 تەڭگە.
