جازۋ ۇستەلىنىڭ ءتۇسى اشىق قوڭىر. ونىڭ بەتىندەگى تاقتايى ءبىر اعاشتان جاسالعان, كولەمى (139,7ح70,0ح3,0 سم). ۇستەلدىڭ ءپىشىنى تىكتورتبۇرىشتى بولىپ كەلەدى. لاكپەن جىلتىراتىلىپ, جيەكتەرى قوڭىر ءتۇستى تەكستۋرنىي قاعازبەن قاپتالعان. ۇستەلدىڭ وڭ جاعىنداعى تارتپانىڭ ىشىنە ارتىق زاتتاردى قويۋعا بولاتىن ورىن بار. سونىمەن بىرگە سول جاعىنداعى شاعىن ءۇش تارتپانىڭ دا كولەمى بىردەي. تارتپالاردىڭ جيەگى التىن ءتۇستى جولاقتارمەن بەزەندىرىلگەن. ۇستەلدىڭ اياعى مىقتى, بەرىك. ايتا كەتەيىك, جازۋ ۇستەلى 1980 جىلى گەرمانيادا جاسالعان.
بۇل ۇستەلدى جازۋشىعا تۋعان باۋىرى راۋناق ەسەنبەرلين ريگا قالاسىندا تۇرعاندا ساتىپ الىپ بەرىپتى. وسى جازۋ ۇستەلىندە قابىرعالى قالامگەر ادەبيەتىمىزدىڭ قازىناسىن بايىتقان بىرقاتار سۇبەلى شىعارماسىن ومىرگە اكەلگەن.
