پلەي-وففقا شىعۋ ءۇشىن جانتالاسىپ جاتقان ەلوردالىق كلۋب ماگنيتوگورسكىدە جاقسى ويىن ورنەگىن كورسەتىپ, قاجەتتى ۇپايدى قورجىنعا سالادى دەپ ۇمىتتەندىك. بىراق بۇل جولى ءبىز ويلاعانداي بولمادى. ءيا, «بارىس» باسەكەنى جاپ-جاقسى باستادى. 7 مينۋتتا ءادىل بەكەتاەۆتان جاقسى پاس العان دجەرەمي براككو ەسەپ اشتى – 0:1. ەكىنشى كەزەڭنىڭ باستالعانىنا بار-جوعى 26 سەكۋند وتكەندە اندرەي چيبيسوۆ تارازى باسىن تەڭەستىرىپ كەتتى – 1:1. بۇل ەسەپ كەزدەسۋدىڭ سوڭىنا دەيىن ساقتالىپ, ياعني 40 مينۋت بويى وزگەرگەن جوق. ال وۆەرتايمدا «مەتاللۋرگتىڭ» شابۋىلشىسى دەنيس زەرنوۆ جەڭىس گولىن سوقتى – 2:1.
وسى جەڭىلىستەن كەيىن «بارىس» جارىس كەستەسىندەگى جاعدايىن تاعى دا ناشارلاتىپ الدى. قازىرگى كەزدە 56 ويىننان كەيىن 53 ۇپاي جيناعان جەرلەستەرىمىز شىعىس كونفەرەنتسياسىندا 10-ورىندا تۇر. بۇگىن استانالىقتار ءوز مۇز ايدىنىندا چەرەپوۆەتستىڭ «سەۆەرستالىن» قابىلدايدى.
