ءىس-شاراعا ورتالىق مەملەكەتتىك ورگانداردىڭ, ۇلتتىق بانكتىڭ, «سامۇرىق-قازىنا» ۇاق, جوعارى اۋديتورلىق پالاتانىڭ, ەكونوميكالىق زەرتتەۋلەر ينستيتۋتىنىڭ جانە حۆق وكىلدەرى قاتىستى.
كەزدەسۋ بارىسىندا تاراپتار ەكىجاقتى ىنتىماقتاستىق ماسەلەلەرىن تالقىلاپ, حۆق ميسسياسىنىڭ جۇمىسىن باستادى. تەحنيكالىق كومەك شەڭبەرىندە شەتەلدىك ساراپشىلار بيۋدجەت-سالىق سالاسىنىڭ اشىقتىق دەڭگەيىن باعالايتىن بولادى. اتاپ ايتقاندا, بيۋدجەتتىك ەسەپتىلىكتى, سالىق-بيۋدجەتتىك بولجامداردى جانە بيۋدجەتتى قالىپتاستىرۋ, بيۋدجەتتىك تاۋەكەلدەردى تالداۋ مەن باسقارۋدى, سونداي-اق تابيعي رەسۋرستاردان تۇسەتىن تۇسىمدەردى باسقارۋدى زەردەلەۋ جوسپارلانۋدا.
ۇلتتىق ەكونوميكا ۆيتسە-ءمينيسترى ا.ءامرين اتاپ وتكەندەي, حۆق-نىڭ باعالاۋ قورىتىندىلارى بويىنشا ۇسىنىمدارى بيۋدجەت-سالىق ساياساتىن ودان ءارى جەتىلدىرۋ شەڭبەرىندە, ونىڭ ىشىندە جاڭا بيۋدجەت جانە سالىق كودەكستەرىن ازىرلەۋ كەزىندە پايدالانىلاتىن بولادى.
حالىقارالىق ۆاليۋتا قورىنىڭ ميسسياسى 6 اقپانعا دەيىن جالعاسادى. حۆق ساراپشىلارى قر پارلامەنتى سەناتىنىڭ دەپۋتاتتارىمەن, ورتالىق مەملەكەتتىك ورگانداردىڭ وكىلدەرىمەن بىرقاتار كەزدەسۋلەر وتكىزەدى.
