گوللانديا چەمپيوننىڭ تاس-تالقانىن شىعاردى

بۇگىن تاڭ الدىندا اياقتالعان يسپانيا مەن گول­لانديا اراسىنداعى ويىندا الەم چەمپيو­نا­تى­نىڭ ەڭ العاشقى سەنساتسياسى تىركەلدى. وندا «قىزعالداقتار ەلىنىڭ» كومانداسى جاھاننىڭ قا­زىر­گى چەمپيونىن 5:1 ەتىپ ويسىراتا ۇتتى. ال سو­دان ءسال بۇرىن, 13 ماۋسىم كۇنى تۇندە مەكسيكا مەن كامەرۋن كەزدەسىپ, بۇلاردىڭ الدىڭعىلارى 1:0 ەسە­بىمەن جەڭىسكە جەتكەن ەدى. ماتچتىڭ باسى يسپاندار ءۇشىن تىم دابىل قاعارلىقتاي بولىپ باستالعان جوق. كەرىسىنشە پيرەنەي تۇبەگىنىڭ جىگىتتەرى ارىپتەستەرىنە قاراعاندا, اي­تار­لىقتاي شيراق تا سەنىمدى كو­رىندى. ولار ءبىرىنشى قاۋىپتى شابۋىلدى ءوز قاقپالارىنا جاساتىپ العاندارى بولماسا, نەگىزىنەن قىسىمدى وزدەرى جاساپ جاتتى. سوندىقتان كەزدەسۋدىڭ 27-مينۋتىندا ديەگو كوستانىڭ قارسىلاستار ايىپ الاڭىندا كۇماندى جاعدايدا قۇلاپ قالعانى ءۇشىن بەلگىلەنگەن پەنالتي ارقىلى حابي الونسو سوققان گول ونشالىقتى سە­نىم­دى بولىپ كورىنبەگەنىمەن, ويىن­نىڭ مازمۇنى بويىنشا ولار­دىڭ باسىم ەكەنىنە دە كادىم­گىدەي يلانىپ-اق وتىر ەدىك. بۇدان كەيىن قاقپاشى يكەر كا­سيلياستىڭ انىق قاتەلىگىنەن 44-مينۋتتا روبين ۆان پەرسي ەسەپتى تەڭەستىرىپ كەتكەن كەزدە دە, مۇنى ۋاقىتشا نارسە سەكىلدى سەزىنگەنىمىز راس-تىن. الايدا, ەكىنشى تايمنىڭ باسىنان ناعىز نايزاعاي ۇرىپ, جاسىن جارقىلداعان ويىنداردى تانىتقان گوللانديا فۋتبولشىلارى بۇل تۇيسىكتى تۇگەل تاس-تالقان ەتىپ جىبەردى. سول داۋىلدىڭ باسىن 52-مينۋتتا ارەن روببەن باستاپ بەردى. بۇدان كەيىن 64-مينۋتتا ستەفان دە ۆرەيگە ءبىر رەت كەزەك بەرىپ العان الدىڭعى ەكى فۋتبولشى – ۆان پەرسي مەن روببەن تاعى ءبىر-ءبىر مارتەدەن (72, 80-مينۋتتار) قاقپاشىنى جازالاپ شىقتى. ءسويتىپ, ەسەپتى 5:1-گە جەتكىزدى. وسىنىڭ الدىندا وتكەن مەكسيكا مەن كامەرۋن كەزدە­سۋىندە دە تورەشىنىڭ جۇگەنسىزدىگى بىردەن كوزگە ۇردى. بۇل رەتتە كولۋمبيالىق اربيتر ۆيلمار رولدان حورۆاتيا قۇراماسى قاقپاسىنا كۇماندى پەنالتي بەلگىلەگەن جاپون يۋيتي نيسيمۋرادان دا اسىپ ءتۇستى. ول «ويىننان تىس جاعداي» دە­گەن جەلەۋمەن ءۇش بىردەي دوپ­تىڭ داربازاعا تۇسكەنىن ءتان الماي تاستادى. ەگەر بۇل تۇس­تا كامەرۋندىقتار شىنىمەن وفسايدتا قالىپ قويعان بول­سا, مەكسيكالىقتاردىڭ سوققى­لارى­مەن سالىنعان ەكى گول دا تازا ەدى. دەگەنمەن, جوعارى ادىلدىك بار ەكەن, اقىرىندا اتستەك ۇرپاقتارى ءبىر ساتتە شەشۋشى گول سوعىپ, قولدان سۋسىپ كەتىپ بارا جاتقان جەڭىستى تارتىپ اكەتتى. بۇل كۇنى ءبارىنىڭ سوڭىنان الاڭعا چيلي جانە اۆستراليا قۇرامالارى شىقتى. سەرىك ءپىرنازار, «ەگەمەن قازاقستان».